http://static.elcorreo.com/www/menu/img/zurekin-desktop.jpg

Bullying-aren kontra borrokatzeko ipuinak, Bilbon

'Bullying' filmaren eszena bat./
'Bullying' filmaren eszena bat.

Bizkaiko ikastetxe askotako 600 ikaslek parte hartu dute ekimenean eta sariak gizartearen arloko proiektuetan erabiliko dira

ELCORREO.COM

'Bullying-aren kontrako ipuinak' kontakizunen lehiaketaren lehen edizioa oso arrakastatsua izan da. Fair Saturday fundazioaren eta Bilboko Udalaren ekimenak sormena eta ahalegina sustatzen ditu, eta eskola-jazarpenaren aurka borrokatzeko Euskadin egindako kultura-ekitaldietan partaidetzarik handiena izan dutenen artean dagoela ziurtatu dute ekimenaren antolatzaileek.

Bizkaiko ikastetxe askotako 600 ikaslek aurkeztu dute euren ipuina eta euren sormenaren eta talentuaren ekarpena egin dute haiek aukeratutako gizartearen arloko proiektu bati laguntzeko; izan ere, 100 euroko 15 sari emango dira eta horiek gizartearen arloko proiektuetan erabiltzeko balio izango dute. Sarituek eta ordezkatzen dituzten ikastetxeek aukeratuko dituzte proiektuak.

Lehiaketak berritzailea izan nahi du eta irekita egon da 8 eta 23 urte bitarteko ikasleentzat. Lanak euskaraz, ingelesez zein gaztelaniaz idatzita aurkeztu ahal izan dituzte 2017ko urrian eta azaroan. Orain, lehiaketako narraziorik onenak hautatu ondoren, 'Bullying-aren kontrako ipuinak' izeneko liburuan jasoko dira aukeratutako ipuinak eta liburuaren mozkinak, sariak bezala, gizartearen arloko proiektu batera bideratuko dira.

Sari-banaketa eta hautatutako ipuinak jasotzen dituen liburuaren aurkezpena egiteko ekitaldia martxoaren 10ean, larunbatean, izango da Bilborock aretoan. Bilboko alkate Juan María Aburto buru dela, ekitaldian Oihane Agirregoitia Gazteria eta Kirol Saileko zinegotzia, Fair Saturday-ren sortzailea den Jordi Albareda eta eskola-jazarpenaren aurkako inplikazio handia duen Iñaki Zubizarreta ACB-ko jokalari ohia ere egongo dira.

Sari-banaketan Seguros Bilbao etxeko ordezkaritza ere egongo da, ekimenaren sustatzailea bera da-eta. 'Bullying-aren kontrako ipuinak' lehiaketa Bilbon sortutako Fair Saturday mugimendu kultural globalaren bokaziotik sortu da, kulturaren bitartez etorkizun hobea eraikitzeko asmoarekin.

Temas

Euskera

Contenido Patrocinado

Fotos

Vídeos