http://static.elcorreo.com/www/menu/img/zurekin-desktop.jpg

'BizkaIdatz Txikia' umeentzako ipuin lehiaketaren edizio berria martxan da jada

Lehiaketaren kartela./
Lehiaketaren kartela.

Toti Martinez de Lezea eta Leire Bilbaoek idatzitako kontakizunari amaiera eman behar diote parte hartzaileek

IZASKUN MOYANO

Aise antzeman daiteke Bizkaiko ume eta gazteek idazteko grina dutela. Izan ere, aurten 'Bizkaidatz Txikia' haur eta gazteentzako ipuin lehiaketaren 4. edizioa ospatuko da. Txapelketak aurreko urteetan izandako arrakasta aintzat hartuta, oraingo honetan ere Bizkaiko Foru Aldundiak berriro antolatzea erabaki du. Parte hartu nahi dutenek Toti Martinez de Lezea eta Leire Bilbao idazleek idatzitako ipuinari amaiera polita eman behar diote.

Aipatu bezala, lehiaketa haur eta gazte bizkaitarrentzat da. Hots, txapelketan bi kategoria ezberdindu daitezke: umeena eta nagusiagoena. Lehendabizikoan, Bizkaiko eskola zein ikastolaren batean ikasten ari diren lehen hezkuntzako 3, 4, 5 eta 6. mailako umeek izena eman dezakete, beraien imajinazioari hegoak eman eta kontakizun bikaina idazteko. Bestalde, bigarrenekoan, probintziako ikastetxeetan DBH 1, 2, 3 eta 4. mailan dauden nagusiagoek ere idazteko dituzten dohainak erakutsi eta txapelketan parte hartzeko abagunea izango dute.

Hauek guztiek zeregin bera izango dute 'BizkaIdatz Txikia'-n. Toti Martinez de Lezea eta Leire Uribek ipuin batzuei hasiera emango diote. Gazteek ordea, kontakizunaren nondik norakoak, pertsonaiak, garaia, kontatzeko era eta istorioa kontuan hartuz, ipuinoi amaiera bana eman beharko diote, euskaraz zein gaztelaniaz. Kategoria bietan kontakizun ederrena idazten duena aterako da garaile, eta saria jasoko du.

Idazlanok lau orrialdeko luzera izan behar dute gutxienez, eta bostekoa gehienez. Kontuan hartu beharko dute, teknologia berrien garaian bizi bagara ere lehiaketa honetara lana eskuz idatzita eta letra argiz ere aurkeztu dezaketela. Baina baita ordenagailuz, beti ere ‘Timas’ edota ‘Arial’ letra mota, espazio bikoitza errespetatuz eta 12 tamaina aukeratuta. Dena den, lan guztiak, DIN A 4 orrialdeetan aurkeztu beharko dituzte.

Epea oraindik zabalik dago, baina adi ibili, datorren otsailaren 16an (ostirala) eguerdiko 13:30tan itxiko da eta.

Temas

Euskera

Contenido Patrocinado

Fotos

Vídeos