http://static.elcorreo.com/www/menu/img/zurekin-desktop.jpg

Bizkaia Zubia itxita egongo da, gaur, 'Ola de crímenes' filmaren grabaketa hartzeko

Gracia Querejeta zuzendaria.

Gracia Querejeta zuzendariaren filmaren eszena batzuk grabatuko direla eta, itxiko dute zubia

ELCORREO.COM

Gracia Querejeta zuzendariaren 'Ola de crímenes' filmaren eszena batzuk grabatuko direla eta, Bizkaiko Zubia ibilgailu eta bidaiarientzat itxita egongo da gaur, goizeko 07:00etatik arratsaldeko 20:00ak arte eta txalupa zerbitzua indartuko da. Eguraldi txarra eginez gero, aurreragoko datetan itxiko da, eta horren berri era egokian emango da.

Era berean, Bizkaiko Zubiaren inguruko kaleetan, itsasadarraren bi aldeetan, trafikoa aldizka moztuko da. Areetan, 06:30etik aurrera, mozketa horiek Udaltzaingoak erregulatuko ditu. Tomás Olabarri eta Churruca nasetan ere mozketak egongo dira, gutxi gorabehera 15:00etatik 19:30era arte, eta Eduardo Coste kalean, Gobelatik kale Nagusira arte, 15:00etatik 19:30era arte. Aipatutako mozketa horiek ez dute kalterik eragingo eremuko etxebizitzen garajeen sarrera eta irteeretan.

'Ola de crímenes' Gracia Querejetak zuzendutako komedia bat da, bertan aktore hauek hartzen dute parte: Maribel Verdú, Raúl Arévalo, Antonio Resines, Paula Echevarría, Juana Acosta eta Raúl Peña, besteak beste.

Istorioa Bilbo Handiko eskualdean garatzen da, negozioen eta egoitzen inguruan, bertan bizi baita protagonista, baina baita 'Guggenheim efektuaren' ondorioz sortutako toki turistiko eta kosmopolitenetik ere. Olabarri Jauregia, Botika Zaharreko pasealekua, Getxoko eta Portugaleteko kaleak eta Bilboko itsasadarra bera ere izango dira filmaren kanpoko eszenetako batzuk, baina Bizkaia Zubian, itsasadarraren alde biak lotzen dituen zubian, grabatuko da pasarte garrantzitsuena.

Euskal hiriburu honek eskaintzen dituen eremu naturaletatik egindako ibilbide hau Bilbao Bizkaia Film Commission-i esker egingo da eta zenbait tokiko erakundek ere emandako laguntzari esker: Bizkaiko Aldundia eta Bilbo, Getxo eta Portugaleteko Udalak, Bizkaia Zubiaren eta Portuko Agintaritza, besteak beste.

Filma Universal Picturesen eskutik 2018an estreinatuko da, eta Gracia Querejetak Telecinco Cinema-rekin egindako lehenengo kolaborazioa da; filma Bowfinger International Pictures-ek ekoiztu du, Historias del Tío Luis eta Crimen Zinema AIErekin batera, baita Mediaset eta Movistar +-en parte-hartzearekin ere.

Temas

Euskera

Fotos

Vídeos