http://static.elcorreo.com/www/menu/img/zurekin-desktop.jpg

Bilbao-Bizkaiak Drive & Enjoy gida editatu du

Lurraldea ezagutzeko hamar turismo-ibilbide dituen lana da hau

ELCORREO.COM

Bizkaia sakon ezagutzeko esperientziaz ahalik eta gehien gozatzea da Drive & Enjoy turismo-gidaren xedea, eta bertan hiriburutik irtenda autoz egiteko hamar ibilbide proposatu dira. Kostaldea, natura-espazioak, herriak, monumentuak, gastronomia, enoturismoa, familia-planak eta beste erakargarritasun asko bildu dira argitalpenean, Bilboko Udalak adierazi duenez.

Guztira, 23.000 ale merkaturatu dira, eta doan banatuko dira Bilbao-Bizkaiaren bi turismo-bulegoetan (Plaza Biribila 1 eta Mazarredo zumarkalea 66), bai eta lurraldeko udalerrietako eta mugakide diren autonomia erkidegoetako turismo-informaziorako puntuetan ere.

Drive & Enjoy Bilboko Udalak egiten duen lehenengo touring gida da. Bizkaiako Foru Aldundiarekin lankidetzan egin du, eta lurraldeko herritarren artean txangozaletasuna sustatu nahi du gure ingurutik irteteko hain aproposa den garai honetan. Gainera, turismo-fluxuak lurralde osotik banatu nahi ditu, Turismo Estrategia 2020 delakoan jaso den bezala.

Ibilbide guztiak, Bizkaiko hiriburutik

Drive & Enjoy argitalpenean aurkeztu diren hamar planei esker, bisitari eta egoiliarrek Bizkaiko txokorik ederrenak ezagutu ahal izango dituzte modu koherente, erraz eta oso bisual batean. Egun bakarrean egiteko ibilbideak diseinatu dira. Herritar gehienak Bilbo Handian bilduta daudela aintzat hartuta, bai eta turismoa heltzeko ate nagusia dela, ibilbide guztiak Bizkaiko hiriburutik abiatuko dira, eta errepideei buruzko informazio praktikoa dute, aipatutako lekuetara erraz iritsi ahal izateko.

Drive & Enjoy euskaraz, gaztelaniaz, ingelesez eta frantsesez argitaratu da, eta, zehazki, hamar ibilbide tematiko ditu:

1. ibilbidea. Mendebaldeko kostaldea. Memoria sutsu eta gaziak.2. ibilbidea. Erdiguneko kostaldea. Olatuak, herensugeak eta txakolina.3. ibilbidea. Ekialdeko kostaldea. Dunak, nortasuna eta baso margotuak.4. ibilbidea. Kadaguako ibilbidea. Erdi Aroko oihartzunak.5. ibilbidea. Bailara ezkutuen ibilbidea. Natura eta luxua.6. ibilbidea. Nerbioiko ibilbidea. Urak hegan egiten ikasten duen tokia.7. ibilbidea. Arratia bailara. Landa-xarma mendi eta larrea artean.8. ibilbidea. Durangaldea. Omenaldia harriari eta magiari.9. ibilbidea. Bilboren inguruan. Hiria goitik begiratuta.10. ibilbidea. Bizkaiko txakolina. Oso gurea den ardoa.

Autokarabanako turismoa

Drive & Enjoy lanean atal bat eskaini zaio autokarabanan egiteko turismoari, Bilbo zein Bizkaian mota horretako turismoa gero eta ugariagoa baita. Hain zuzen ere, Kobetamendiko aparkalekuari, Sopela, Lanestosa, Elorrio, Bermeo eta Lekeitioko autokarabanen eremuei eta mota horretako ibilgailuentzako tokiak dituzten kanpinei buruzko informazio praktikoa eskaintzen du.

Temas

Euskera

Contenido Patrocinado

Fotos

Vídeos