http://static.elcorreo.com/www/menu/img/zurekin-desktop.jpg

Bilbao Mendi Film Festivaleko zuzendaria, nazioarteko mendi zinemaldien presidente berria

Bilbao Mendi Film Festivaleko zuzendaria, nazioarteko mendi zinemaldien presidente berria

Jabier Baraizarra IAMF elkargoko laugarren presidentea izango da

J. ECHEVARRÍA

Bilbao Mendi Film Festivaleko zuzendaria, Jabier Baraizarra, Nazioarteko Mendi Zinemaldien Elkargoko (IAMF) presidente izendatu dute asteburu honetan, Eslovenian ospatu den batzarrean. Bost Kontinente eta 18 herrialde ordezkatzen dituzten 23 mendi zinemaldik eta Torinoko Musseo Nazionale della Montagnak osatzen dute IAMF, tartean Bilbao Mendi Film Festival, eta gaitegi horretako zinema industriaren ardatza da.

Baraiazarra da Mendifilmeko zuzendaria eta lanerako gogoz eutsi dio izendapen berriari: «Momentu garrantzitsua da hau mendi zinemagintzarentzat, teknologiak ekarritako aldaketek eta zuzendari gazteen belaunaldi berri batek indarra eman diote generoari, hazkundea nabarmena izan da bai ekoizpen kopuruetan zein kalitatean, eta baita ikusle datuetan ere. Mendia, abentura eta natura gaien inguruko zinemagintza bogan dago. Horri guztiari eta IAMF-ri bisibilitatea ematea izango da gidatuko dudan zuzendaritza talde berriaren ardura».

Roberto De Martin, Trentoko (Italia) zinemaldiko ordezkaria, izango da presidente ondoko; Marco Ribetti, Torinoko (Italia) Museo Nazionale della Montagnako zuzendari-ordea, izango da koordinatzailea; eta aholkulariak Basanta Thapa eta Silvo Karo izango dira, Kathmanduko (Nepal) eta Domzaleko (Eslovenia) zinemaldietako presidenteak, ondoz ondo.

Kontinentetako arduradunak

Nazioarteko Mendi Zinemaldien Elkargoa 2000. urtean sortu zen eta Jabier Baraiazarra haren laugarren presidentea da. Antonio Cembran (Trento), Mireille Chioca (Autrans) eta Joan Salarich (Torello) izan dira aurrekoak. Mundu osoan zabalduta dagoen elkargoa izaki, Kontinenteka arduradunak ere baditu: Europan Michael Pause (Tegernsee), Iparramerikan Joana Croston (Banff), Hegoamerikan Maria Ema de Antueno (Ushuaia) eta, Asia eta Ozeanian Billy Choi (Ulju).

IAMFren hurrengo bilera 2018ko abenduan Bilbon egingo dute, Mendi Film Festivala bete-betean dela (abenduaren 7tik 16ra). Horrekin eta Baraiazarraren izendapenarekin mendi zinemagintza generoarentzat eta industriarentzat erreferente bihurtuko da Bilbo.

Temas

Euskera

Contenido Patrocinado

Fotos

Vídeos