http://static.elcorreo.com/www/menu/img/zurekin-desktop.jpg

Bihar ospatuko da Hegaztien Munduko Eguna Getxon

Bertan hegaztiei eraztuna jartzeko ohiko ekintza zientifikoa burutuko da, Bolueko hezegunean

IZASKUN MOYANO

Hegaztien Munduko Eguna ospatuko da Getxon bihar Bolueko hezegunean hegaztiei eraztuna ipintzeko ohiko ekintzarekin. Mundu osoko gertakizuna da Hegaztien Eguna, BirdLife International erakundeak sustatua, 100 herrialde baino gehiagotan egiten dena. Hori dela eta, Udalak aipatutako erakustaldia antolatu du Bolueko Eraztun Estazioarekin batera. Ekitaldia 9.00etatik 13.00etara egingo da, beti ere eguraldi ona egiten badu, euria edo haize gogorra egitekotan bertan behera utziko baitute.

Bi dira Hegaztien Munduko Egunaren helburu nagusiak. Batetik, hegaztien mundua hurbildu nahi diete, oro har, biztanle guztiei, eta, batez ere, txikienei, gure ingurune natural hurbilena kontserbatzearen garrantziaz kontzientzia sortzeko, gure planetako ingurumen kontserbazioan aurrera egiteko lehenengo urratsa den aldetik. Eta bestetik, hegaztiek dituzten mehatxuen berri eman nahi dute eta beraien biziraupenerako behar diren kontserbazio neurriak azaldu.

Hegaztien Munduko Egunaren aurtengo ekitaldian, gainera, txikienak dira protagonistak. «Horiengan gure planetaren balio naturalen kontserbazioarekiko errespetua sustatuz, etorkizun iraunkorrago, berdeago eta kontsekuenteago baten aldeko lana egingo dugu», azpimarratu du José Luis Landa Ingurumeneko zinegotziak.

Horregatik guztiagatik, Udalak, beste behin, hiritar guztiak animatu nahi ditu larunbateko jardunaldian parte har dezaten Bolueko hezegunera joanez, «gure udalerriko lekune natural garrantzitsuenetakoa da eta hegazti askoren aterpe iraunkorra», gogoratu du Landak.

Temas

Euskera

Fotos

Vídeos