http://static.elcorreo.com/www/menu/img/zurekin-desktop.jpg

Berrehun pertsona Haur eta Nerabeentzako Plan berriaren gakoak aztertu dituzte Hegoalden

Berrehun pertsona Haur eta Nerabeentzako Plan berriaren gakoak aztertu dituzte Hegoalden

SERGIO EGUÍA

Gasteizko Udala prestatzen ari den Haur eta Nerabeentzako II. Plana (PLINA) lantzeko gakoak aztertu dira Hegoalde gizarte etxean. Gizarte Politiken eta Osasun Publikoaren zinegotzi Peio López de Munainek inauguratu du topaketa, zeinak batera edo bestera agiri berria idazten laguntzen ari diren udal sailetako, gizarte kolektiboetako eta erakundeetako 200 pertsona inguru bildu baititu.

López de Munainen nabarmendu du «gizarteak proiektuari emandako laguntza, haur, nerabe eta familiei zerbitzu ona bermatzeko azken helburua lortzea ahalbidetuko baitigu, ekitatearen irizpideari jarraituz, gainera. Gure helburua gizarte hobea egitea da, eskubideak errespetatu eta betetzen dituena. Pertsonak batzen dituen gizartea, bizikidetza eta elkartasunerako espazioa izango dena, non txikienei aktiboki entzungo baitiegu, beren hiriaren eraikuntzan zuzenean parte hartu behar dutela sinesten baitugu».

II. PLINAk haur eta nerabeekin zerikusia duten udal jarduera guztiei ikuspegi komuna emateko balioko du, xede hauekin: adingabeen eskubideak betetzen direla bermatzea, haien bizi-kalitatea hobetzea, garatzen laguntzea, eta gizartean parte hartzea eta integrazioa bermatzea.

Jardunaldian haur eta nerabeentzako gizarte politiken plangintzaz hitz egin da, eta Gasteizko haur eta nerabeen egoerari buruzko ikerketa-diagnostikoaren emaitzak aurkeztu dira, zeinek PLINAren jarduera-ildoak eta erronkak proposatzeko balioko baitute.

Orobat, planaren ildo estrategikoak ezagutaraziko dira: horien «xedea izango da jardueretan ekitatea sustatzea, herritartasun aktiboa bultzatzea, familiei seme-alabak hazteko sostengua ematea, hiri inklusiboa eta berdintasunezkoa eraikitzea eta, azken batean, arlo horretan Udalaren jarduera hobetzea», azaldu du Peio López de Munainek.

Contenido Patrocinado

Fotos

Vídeos