http://static.elcorreo.com/www/menu/img/zurekin-desktop.jpg

'Bermeo eta Ondarroa, hizkuntzaren garapenean eragiten duten faktoreak' ikerketa aurkeztuko dute gaur

Udalerri Euskaldunen Mankomunitateak egingo du aurkezpena Bermeoko Kultur Etxean

ELCORREO.COM

'Bermeo eta Ondarroa, hizkuntzaren garapenean eragiten duten faktoreak' izeneko ikerketa aurkeztuko du gaur Udalerri Euskaldunen Mankomunitateak (UEMA) Bermeoko Kultur Etxean, arratsaldeko 19:00etan. Aurkezpenean egongo dira Eneritz Albizu eta Goizane Arana UEMAko teknikariak eta ikerketaren egileak, Josu Labaka UEMAko lehendakaria eta Bermeoko eta Ondarroako udal ordezkariak.

Bermeoko Udaletik jakinarazi dutenez, udalerri euskaldunetan euskararen gaitasunak eta erabilera sozialak azken urteotan izan duten bilakaera aztertzea beharrezkoa da, batez ere, bilakaera horretan beheranzko joera duten herrietan.

Horrela, kale neurketek eta azterlan soziolinguistikoek erakutsi dute joera hori duten udalerrietako bat Bermeo dela, eta, hori dela eta, Bermeoko Udalak eskatuta, horren atzean egon daitezkeen arrazoiak edo faktoreak aztertu ditu UEMAk, aurrera begirako lan ildoak zehazteko.

Azterlanean kontuan hartu dira Bizkaiko kostaldeko bi herrietan euskarak duen bilakaera, eta horretarako Bermeoko eta Ondarroako egoerak aztertu dira.

Azterketa egiteko metodologia parte hartzailea erabili da; hortaz, bi herrietako herritar askok parte hartu dute eztabaida taldeetan, elkarrizketetan eta galdetegiak eginez. Azterketaren nondik norakoak, galderak eta erantzunak ostegunean aurkeztuko dira, Bermeon.

Temas

Euskera

Fotos

Vídeos