http://static.elcorreo.com/www/menu/img/zurekin-desktop.jpg

Barakaldoko herriak haurren minbiziaren ikerketan parte hartuko du

Amaia del Campo alkatea eta Cuadri del Hospiko kideak./
Amaia del Campo alkatea eta Cuadri del Hospiko kideak.

XVIII. Merkatu Txiki Solidarioan bildutako dirua sendabide baten aurkikuntzara bideratuko da

IZASKUN MOYANO

Gero eta gehiago dira minbizia pairatzen duten umeak. Batzuk osatu egiten dira, oso gaizki pasatu ostean. Beste batzuk ordea ez dute aurrera ateratzea lortzen. Barakaldoko herriak esku hartu nahi izan du egoera honetan. Beraz, datorren abenduaren 15eko Merkatu Txiki Solidarioan batuko den diru guztia haur minbiziaren ikerketara bideratuko du.

La Cuadri del Hospi erakundeak gaixotasunari eta egiten duten lanari buruz sentsibilizatuko ditu Barakaldoko 20 ikastetxeetako 1.860 ikasle. Beraz, aurten, 'Zure elkartasunak indartsuago egiten gaitu' lemapean burutuko da merkatu solidarioa eta irabazitako guztia erakunde horri emango zaio; hezur muina ematen diharduten gurasoei, hain zuzen ere.

Horrez gain, haurren minbiziari buruzko ikerketa egiteko, tratamenduak emateko, transplanteak gauzatzeko eta ume horiek ospitalean ematen duten denbora hobetzeko erabiliko da umeen jostailuak salduta batuko den diru guztia. Azoka, lehen hezkuntzako ikasleek gauzatuko dute. Iaz, 550ek gaztek lagundu zuten, eta aurten kopuru hori igotzea espero dute.

Merkatu Txiki Solidarioaren programak ardatz bi ditu, bata hezkuntza, eta bestea, solidarioa.  Aurten, La Cuadri del Hospi erakundeak lehen hezkuntzako 3. eta 4. mailetako ikasleak sentsibilizatuko ditu, eta horretarako, zer den minbizia eta erakundeak nolako lana egiten duten ospitaletan azalduko die, bai eta nolako garrantzia duen ere minbizia duten umeek eguneroko normaltasunean jarraitzeak. Eskola-orduetan jardungo dute eta 82 saio emango dituzte.

Barakaldarrek beti erantzun die oso ondo ekimen horri. Iaz, 30.714,67 euro bildu ziren. «Aurten, oso pozik gaude, Merkatu Txikiaren helburua kontuan hartuta, herritar asko eta asko etorriko direla ziur baikaude abenduaren 16an, Herriko Plazan egingo den merkatu txikira», esan zuen Amaia Del Campo udalerriko alkateak.

Contenido Patrocinado

Fotos

Vídeos