http://static.elcorreo.com/www/menu/img/zurekin-desktop.jpg

Barakaldo, eskola absentismoaren kontra

Gazte talde bat, parkean./Avelino Gómez
Gazte talde bat, parkean. / Avelino Gómez

Hiriko ikastetxeek 2018-19 ikasturtean egingo den kanpainaren irudia eta eslogana sortzen hartuko dute parte

ELCORREO.COM

Hezkuntzak duen garrantzia, bai eta eskolara joateak dituen onurak ere azpimarratzea da Barakaldoko Udalak Eskola-absentismoaren kontra sustatzen duen lehen sentsibilizazio eta prebentzio kanpainak duen xedea. Kultura, Hezkuntza, Euskara, Gazteria eta Droga-mendekotasunen Prebentzio Arloak 2018-2019 ikasturtean ikastetxeetan gauzatuko den ekimena jarri du martxan, «baina kanpainaren irudia eta eslogana ikasleek sortzea nahi dugu», azaldu du goizean Arloko zinegotzi Nerea Canterok.

Horretarako, Udalak hiriko ikastetxeen arteko kartel lehiaketa bat egitea pentsatu du, lehen hezkuntzako 5. mailako eta bigarren hezkuntzako 1. mailako ikasleek gaia landu, eta absentismoarekin lotutako irudi bat eta eslogana sortu ditzaten. «Iragan ikasturtean, Barakaldon absentismoko 330 kasu izan genituen. Erakundeetan eskolaratzea bermatzeko bideak sortzen ditugun arren, beharrezkotzat jotzen dugu aurrerapauso bat ematea, eta eskolara joateak eta prestakuntza akademikoa izateak duten garrantziaz ikasleak jabe daitezen sustatzea», azaldu du Canterok.

Beraz, kanpaina martxan jartzeko, Eskola-absentismoak epe luzera zein laburrera dituen ondorioak azaldu, eta eskoletara erregulartasunez joateak dituen onurak azpimarratuko dira Barakaldoko ikastetxeetan eskainiko dugun sentsibilizazio saioan.

Ordubeteko saioa izango da, eta ondoren, lehiaketaren oinarriak azaldu, eta ikasleak parte hartzera animatuko ditugu absentismoaren prebentzioarekin lotutako kartela eta eslogana diseinatzen. «Proposamenak ekainaren 15era arte aurkez daitezke, eta irabazle suertatzen den kartelaren egileek liburu elektroniko bat irabaziko dute», esan du Canterok.

Contenido Patrocinado

Fotos

Vídeos