http://static.elcorreo.com/www/menu/img/zurekin-desktop.jpg

Azaroan, DanZálavaren bigarren edizioa Gasteizen

Azaroan, DanZálavaren bigarren edizioa Gasteizen

SERGIO EGUÍA

Azaroan hasiko da DanZálava proiektuaren bigarren edizioa, Euskadiko dantzaren munduko profesionalei prestakuntza eta sostengua emateko. Bederatzi hilabetetan zehar lantegiak, sormen-laborategiak, aurkezpen publikoak eta euskal emakume sortzaile baten proiektu bati zuzenduriko aholkularitza koreografikoa garatuko dira, halako moldean non denbora-tarte horretan Gasteiz dantza garaikidearen erreferentzia-gune izango den.

Altraste Danzak antolatzen du DanZálava, Eusko Jaurlaritzaren babesarekin, eta honako hauekin lankidetzan: José Uruñuela Udal Dantza Kontserbatorio, Pas de Basque guraso elkartea, Eszena-Arte tailerra, Espacio Sinkro eta Kolectivo Monstrenko.

Bigarren edizio honetan, proiektuak berebiziko arreta egingo dio dantza garaikideko sorkuntzari, eta, are zehatzago, emakume sortzaileen lana ikusarazteari. Dantza garaikidearen alorrean ospe handiko sortzaileak, esparru nazionalean zein nazioartekoan, esaterako Mala Kline (Eslovenia, Brusela), Agostina D´Alessandro (Argentina, Italia), Mónica Valenciano (Espainiako sari nazionala), María Muñoz (Espainiako sari nazionala), Katie Duck (Estatu Batuak, Amsterdam) eta Idoia Zabaleta (AZala).

Halaber, proiektuaren atzean euskal sortzaile eta konpainiak ere badaude, esaterako Olatz de Andrés, Lokke konpainiaren izenean, Matxalen Bilbao, Matxalen Bilbao dantza konpainiaren ordezkari, Luchiana Chieregati ,en Colectivo Qualquer-en izenean, Eva Guerrero, DOOS Colectivo ordezten, eta Moare Danza konpainia.

Lantegiak dantzaren munduko profesionalei zuzentzen zaizkie, eta azarotik otsailera bitarteko lau hilabeteetan egingo dira, José Uruñuela Udal Dantza Kontserbatorioan.

Horietan, interprete-sortzaileek lan pertsonal sakona egiteko aukera izango dute, non tresnak eskuratu mugimenduaren berezko lengoaia garatzeko. Lantegi bakoitzak 10 ordu iraungo du, eta 50 euro balioko du.

Publikoaren sentsibilizazioak garrantzi handia du proiektuan. Horregatik, lantegiekin batera koreografoen aurkezpen publikoak egingo dira, harata dantza garaikidearen lengoaia ekimena garatuko den hiriko guneetara hurbiltzen den ororengana hurbilarazteko, hau da, TAEra (Eszena-Arte Tailerra), Kolectivo Monstrenkora (izaki poliedrikoen taldea) eta Artiumera (Arte Garaikideko Euskal Zentro-Museoa).

Berrikuntza gisa, aurtengoan bi sormen-laborategi egingo dira azaroan eta uztailean. Mala Kline eta Katie Duck sortzaileek inprobisaziorako gaitasun handiko dantzari edo performer talde bat hautatuko dute, haiekin astebete iraungo duen lan bizia egiteko, azken xede izango duena aurkezpen edo erakustaldi publiko bat eskaintzea.

Eta, azkenik, DanZálava proiektuak euskal sortzaile gazte baten lana sustengatuko du, Idoia Zabaletaren aholkularitza koreografikoa bitarte, zeinak haren sormen-prozesua gidatuko duen.

Fotos

Vídeos