http://static.elcorreo.com/www/menu/img/zurekin-desktop.jpg

Bizkaia oporretako helmuga turistiko gisa aukeratu duten bisitarien kopurua igo egin da uztailean

Bisitari batzuk, Bizkaia Zubiaren alboan argazki bat ateratzen.
Bisitari batzuk, Bizkaia Zubiaren alboan argazki bat ateratzen. / P. Urresti

Hurbiltzen diren gehienak atzerritarrak dira eta hauetariko askok barrualdeko txokoak dituzte nahiago

IZASKUN MOYANO

Atzerriko bisitari kopuruak % 4,4 egin du gora, eta gehienak Frantzia, Estatu Batuak eta Erresuma Batutik datozkigu. Bizkaiko Foru Aldundiko Kanpo Sustapenerako eta Turismorako zuzendari nagusi de Asier Aleak adierazi duenez, «urtean zehar bildutako datuek erakusten dute turismoak baduela joera bat urtaroei hain lotuta ez egotekoa; hala, oporretarako ohikoak diren sasoietan ere bisitariak jasotzen ditugu Bizkaian, eta turistak hartu ohi dituzten lekuetatik kanpo gainera».

Bizkaiak 154.466 bidaiari-sarrera erregistratu ditu 2017ko uztailean. Eustatek argitara eman dituen datuen arabera, ostatuetako bidaiari-sarrerek % 0,2 egin dute gora Bizkaian, 2016ko uztailarekin alderatuta. Eta nabarmendu behar da % 4,4 igo direla atzerriko bidaiarien sarrerak. Estatuko bidaiarien sarrerak, aldiz, % 3,3 jaitsi dira.

Bidaiarion jatorriari begiratuta, Frantziatik datozkigunak dira nagusi (28.754), hori da gure merkatu nagusia; haren atzetik Estatu Batuak (15.736), Erresuma Batua (14.603) eta Alemania (11.119) daude.

Hona datozenek lo egiteko aukeratzen duten lekuari dagokionez, gero eta gehiago dira gure lurraldearen barrualdea hautatzen dutenak; izan ere, % 18an hazi da Bizkaiko mendi eta naturatik hurbil lo egitea erabakitzen dutenen kopurua. Arlo horretako hazkundea nabarmena izan bada ere, % 6,9 eta % 0,8 gutxitu da, hurrenez hurren, kostaldea edo metropoli-eremua aukeratzen dutenen kopurua.

Aleak azpimarratu du urtean zehar % 7,5ean hazi dela bidaiari-sarreren kopurua. 2017a ere kuantitatiboki oso ona izango omen da, hala ere, Bizkaiak udatik eta Aste Santutik kanpo ere erakarri nahi dituela turistak: Urtean zehar bildutako datuek erakusten dute turismoak baduela joera bat urtaroei hain lotuta ez egotekoa; hala, oporretarako ohikoak diren sasoietan ere bisitariak jasotzen ditugu Bizkaian, eta turistak hartu ohi dituzten lekuetatik kanpo gainera.

Temas

Euskera

Fotos

Vídeos