http://static.elcorreo.com/www/menu/img/zurekin-desktop.jpg

Asteburu honetan ‘San Miguel Getxo Music & Food’ jaialdia ospatuko da Algortako Portu Zaharrean

Musika herrikoia nagusi izango da hirugarren edizio honetan , izan ere ‘Mikro Irekia’ren bidez hauek ezagun egitea da xedea

IZASKUN MOYANO

Algortako Portu Zaharra Getxoko musika onenaren eszenatoki izango da berriz ere. ‘San Miguel Getxo Music & Food’ une honetan ezagun diren banda herrikoien aldeko apustua egiten duen lehendabiziko jaialdia da, eta aurten hirugarren edizioa ospatuko du.

Gaur eta bihar hamar talde baino gehiagok Portu Zaharrean kontzertuak eskaintzeko abagunea izango dute. Honela, Getxo Sound izeneko mugimenduari men egingo die. Hau, talde pop-rock alternatibo eta herrian bertan sortu berri zen indie-rock estiloko bandek sortu zuten 80. hamarkada hasieran.

Ekitaldiak musika ona eta inguruan ezagunenak diren foodtrucksetako janaria uztartuko ditu. Gatronomia oso anitza izango da, gustu guztietara egokitzeko modukoa. Bertan dasta ahal izango dira, besteak beste sushia, sándwich osasuntsuak, hamburgesak, amorrotza, janari argentinarra, Eusko Labelaren proposamenak, crepe edota izozkiak, eta jaialdiko motorra den San Miguel garagardoa.

Gwendo taldeak emango dio hasiera jaialdiaren aurtengo edizioari bihar goizeko 12:30ak aldera. Bere atzetik gainontzeko musika bandak bata bestearen ostean igoko dira eszenatokira musika ezberdina eskainiz.

Eguerdian, aurreko urtean bezala, Jam Sessionen txanda izango da. Tarte honetan, talentu gazteei beraiek duten musikarako dohaia erakusteko abagunea ematen zaie taula gainera igotzera gonbidatuz. Izan ere, bi talde gaztek ikusleak igotzera animatuko dituzte haiekin une polit bat pasatu eta musika berria eginez orain arte bizi gabeko uneak aprobetxatzeko asmoz.

Aurtengo berrikuntza ‘Mikro Irekia’ izeneko tartea izango da. Hemen abesti sortzaile diren abeslarieri beraien kantak eszenatokian interpretatzeko abagunea eskaintzen zaie. Azken finean, hau da jaialdiaren xede nagusia: musikari berriak ezagutzera eramatea.

Temas

Euskera

Fotos

Vídeos