http://static.elcorreo.com/www/menu/img/zurekin-desktop.jpg

Arrigorriagako XVIII. Herri Krosa ospatuko dute igandean

Lasterketan umeek ere parte hartzen dute./Urbiko Triatloi Taldea
Lasterketan umeek ere parte hartzen dute. / Urbiko Triatloi Taldea

Bertan, Saharar Herriarekiko elkartasun kanpainarekin bat eginez, Tindufera bidaliko diren elikagaiak bilduko dira

IZASKUN MOYANO

Maiz ospatzen dira herri barrutik zehar lasterketak. Nahi duen pertsona orok parte hartu eta era berean, eguneko ekintza hona buru dezake. Izan ere, proba hauek alde solidarioa izaten dute. Beraz, lehia alde batera utzi eta kirola eginez osasuntsu sentitu, heziketa fisikoa sustatu eta ekimen polita goraipatzen dira tankera honetako ekintzetan. Igande honetan, 12:15tik aurrera Arrigorriagan ospatuko da XVIII. Herri Krosa.

Ibilbideak 11,5km izango ditu, Kiroldegian hasi eta bukatuko delarik. Hala eta guztiz ere, beti probaz gain atleta gazteenek ibilbide laburragoetan ere korrika egiteko aukera izango dute. Besteak beste, Herri Kros Laburrak 4,8km ditu eta bestearen ordu berean hasiko da. Horrez gain, badaude ibilbide laburragoa duten beste lau modalitate ere. Hauek 250 metro eta 1,5km arteko distantziak dituzte, eta goizeko 11:00tik aurrera hasiko dira.

Udala eta Urbiko Triatloi Taldearen artean antolatu dute berriro ere ekimena. Aipatu beharra dago, ez dagoela kategorien araberako banaketarik, ez garaikurrik, ezta diruzko saririk ere. Horrenbestez, parte hartzaile guztiak dira irabazle. Izan ere, izena ematea dohainik izango da webgunean bertan sartuta, igandea baino lehenago; egunean bertan ezin izango da apuntatu.

Iaz eta duela bi urte ekimen solidarioa izan zuen krosak, eta oraingo honetan ez da gutxiago izango. Igandeko lasterketan Saharar Herriarekiko Elkartasun Kanpainarekin bat eginda, Tindufeko kanpamentura bidaliko diren jakiak bilduko dira. Honen harira, korrikalariei truke bat egiteko proposamena luzatu diete: dortsal bategatik, atun latak, azukrea edota konpresa paketeak eramatea.

Contenido Patrocinado

Fotos

Vídeos