http://static.elcorreo.com/www/menu/img/zurekin-desktop.jpg

Araban 651 lagun hil dira urteko bigarren hiruhilekoan

SERGIO EGUÍA

Euskal Autonomia Erkidegoan (EAE) 5.020 lagun hil dira 2017ko bigarren hiruhilekoan, aurreko urtekoan bezala. Bizkaian 2.775 pertsona hil dira (-%2,5), Araban 651 (-%0,3) eta Gipuzkoan 1.594 (%5), Eustaten datuen arabera.

Hildakoen %50,9 gizonezkoak izan dira, eta %49,1 emakumezkoak. Gainera, 80 urte edo gehiagokoak izan dira hildakoen %63,4 (emakumeen artean %74,8 eta gizonen artean %52,3). 100 urterekin edo gehiagorekin hildako 61 pertsona izan dira (53 emakume eta 8 gizon), eta urtebetetik beheragoko 5 haur hil dira (3 mutiko eta 2 neskato).

Heriotza eragile nagusiak tumoreak (1.594 pertsona) eta zirkulazio sistemaren gaixotasunak (1.344) izan dira, bien artean heriotza guztien %58,6 bilduz. Hirugarren arnas aparatuko gaixotasunak izan dira, 451 heriotzarekin (%9). Alzheimer eta Parkinson moduko nerbio sistemaren gaixotasunengatik 312 pertsona hil dira bigarren hiruhilekoan, aurreko urteko hiruhileko berean baino %0,5 gutxiago.

Aurreko hiruhilekoetan bezala, heriotzen kausak ez dira berdinak izan sexu batean eta bestean. Zehazki, gizonen artean tumoreak hilgarriago gertatu dira zirkulazio aparatuko gaixotasunak baino, eta emakumeen artean, berriz, heriotza kausa nagusia gaixotasun kardiobaskularrak izan dira, eta tumoreak bigarren. Arnas aparatuko gaixotasunak hirugarren heriotza kausa izan dira bi sexuetan.

Azkenik, 2017ko udaberrian biztanle galera gertatu da Euskal Autonomia Erkidegoan, 699 pertsona gutxiago izan baitira. Herrialde bakoitzean, Arabak 91 biztanle irabazi ditu, baina Gipuzkoan 222 eta Bizkaian 568 galdu.

Contenido Patrocinado

Fotos

Vídeos