http://static.elcorreo.com/www/menu/img/zurekin-desktop.jpg

BAD antzerki eta dantza jaialdia Bilboko sei agertokitan ospatuko da

BAD jaialdiaren kartela.

Urriaren 20tik 29ra La Fundicion, Pabiloi 6, BilbaoArte, Bilborock, Campos antzokiko Kupula aretoa, Sarean, Bulegoa eta Berreginen Museoa eskainiko dira lanak

ELCORREO.COM

BAD Bilboko Antzerki eta Dantza Garaikideko Jaialdia urriaren 20tik 29ra ospatuko da hiriko sei agertokitan eta garrantzia hartzen ari diren euskal panoramako artisten estreinaldiak eta nazioartean izen eta ospe handia duten zenbait konpainiaren azken lanak eskainiko ditu, besteak beste. La Fundicion, Pabiloi 6, BilbaoArte, Bilborock, Campos antzokiko Kupula aretoa, Sarean, Bulegoa eta Berreginen Museo dira jaialdiaren sei agertokiak.

Antolakuntzak jakinarazi duenez, La Fundicion aretoan ikusi ahal izango diren ikuskizunek «eszena garaikideko artista eta konpainia garrantzitsuenetakoak» bilduko dituzte. Horrela, programazioa hasteko, urriaren 20an, La Buena Compañía taldeak plazerra eta kontraplazerra lantzen dituen 'A placer' lana taularatuko du.

Hurrengo egunean, hilaren 21ean, Nuria Perezen txanda izango da, eta, Nerea Martinezekin batera, «bertako ukitua» emango dio jaialdiari. Dantza garaikide berrian gero eta garrantzi handiagoa hartzen ari diren artistak dira biak.

Martinez 'Biraka' lana ari da garatzen une honetan, BilbaoEszenako arte egoitzari esker, eta urriaren 26an estreinatuko du BADen. 'Biraka', bere prestakuntzan izan dituen bi dantza tekniken arteko ikerketa lana da: euskal dantzak eta dantza garaikidea. Txalaparta joko duten bi musikarirekin arituko da agertokian dantzaria.

Edizio honetako programazioak nazioartean ospe handia duten zenbait artista eta konpainia ere izango ditu, besteak beste, 'Los Serrenos del Caldeiräo, ejercicios en antropología ficcional' dantza-antzerki pieza aurkeztuko duen Vera Mantero koreografo portugaldarra. Halaber, Poliana Limaren 'Hueco' eta Malika Djardiren 'Sa prière' ikusgai izango dira. La Fundicion aretoko egitaraua beste bi ikuskizunekin osatuko da, Cally Spooner eta Vicente Arlandisekin. Azken horrek "Sumario 3/94" lana estreinatuko du Euskadin, BADek eta Terrassako TNT jaialdiak ekoiztutako ikuskizuna.

Kartela

Bestalde, David Hornback argazkilaria izan da BADen aurtengo edizioaren kartelaren egilea. Mugitzen ari den irudi alaia irudikatu du, sartu eta irten barik, Bilbo Zaharreko txoko batean izoztuta. Ana Capilla koreografoaren sorkuntza une bat jasotzen du.

David Hornbackek (Los Angeles, 1962) Pulitzer Saria irabazi zuen 1990ean, 'San Jose Mercury News' egunkariko erredakzioko kideekin batera, San Franciscoko (AEB) Loma Prietako lurrikarari buruz egin zuten erreportajeari esker.

Erreportari grafiko gisa 'National Geographic', 'GEO', 'Time', 'New York Times' eta 'Stern' hedabideetarako egin du lan, besteak beste. Bere lanek lau kontinentetara eraman dute, eta bere argazkietan jaso dituen gertakarien artean Berlingo harresiaren erorketa, 1992ko Sevillako Erakusketa Unibertsala edo Normandiako lehorreratzearen 60. urteurrena daude, besteak beste.

Temas

Euskera

Fotos

Vídeos