http://static.elcorreo.com/www/menu/img/zurekin-desktop.jpg

Aldundiak Leortza-Zekuianoko tunela berriztatuko du, Vasco-Navarro burdinbidearen bide berdean

283.580 euroko aurrekontuarekin –% 50ean EGEFeko funts europarrekin finantzaturik–, Foru Aldundiaren Ingurumen Sailak indartu egin nahi du azpiegitura hau, gerta litezkeen hondoratzeak edo material erortzeak ekiditeko

I.AGOTE

Aldundiak Leortza-Zekuianoko tunela berriztatuko du, lehengo Vasco-Navarro burdinbidearen bide berdean. 283.580 euroko inbertsioarekin –% 50ean EGEFeko funts europarrekin finantzaturik–, obren helburua azpiegitura hau indartzea, egokitzea eta finkatzea da.

Vasco-Navarro burdinbidearen bide berdea Araban txirrindulari eta oinezko gehien ibiltzen direnetako bat da, urtean ia 240.000 bisitari dituela, haren iristerraztasunagatik eta igarotzen dituen paisaia desberdinengatik, batez ere Izkiko parke naturalaren inguruetan.

Epe laburrean arriskurik ez badago ere, Foru Aldundiaren Ingurumen eta Hirigintza Sailak egokia iritzi dio lanak aurten egiteari, azpiegitura horretan arrakala eta sabeldura batzuk daude eta. Kontua tunela indartzea da, igarotze aldeetan gerta litezkeen hondoratzeak edo material erortzeak ekiditeko, epe luzean.

336 metro, argikuntza automatikoz

Bide batez, Aldundiak gaur egun zati horretan erabiltzeari utzita dagoen hoditeria kenduko du. Horrela, oinezkoek eta txirrindulariek erosotasun eta leku handiagoa izango dute ibiltzeko. Hain zuzen ere, tunel hau, 336 metro luzea, eta lehengo “trenico” delakoaren ibilbidean dauden gainerakoak erakargarriak dira bide berdearen erabiltzaileentzat. Argikuntzak detekzio automatikoz funtzionatzen du, hau da, nabaritutako mugimenduaren arabera piztu eta itzaltzen da.

Contenido Patrocinado

Fotos

Vídeos