http://static.elcorreo.com/www/menu/img/zurekin-desktop.jpg

Aldundiak berritu egin ditu bere barne egiturak, emakume eta gizonen arteko berdintasun politikak sustatzeko

Sail arteko batzorde berri bat sortuko da, sektore publikoak berdintasunaren arloan egin nahi dituenak koordinatzeko ardura izango duena

I.AGOTE

Foru Gobernu Kontseiluak gaur goizean onartu du Arabako Foru Aldundiaren berdintasuneko egitura berrien arauketa, osaera eta funtzionamendu berria, genero ikuspegia sartzearren foru sail batzuek eta besteek garatzen dituzten politika publikoetan.

Egitura berria sail arteko batzorde bat izango da, eta bi maila izango ditu, politikoa eta operatiboa. Batzordeak foru sektore publikoak berdintasunaren arloan gauzatzen dituen jardunak koordinatzeko ardura izango du, bai Foru Aldundiaren barne mailan, bai herritarrentzako politika sektorialetan.

Genero politiken sustatze hau urrats garrantzitsua da Gobernamendu Onari buruzko IV. Foru Planaren ardatzean (IV. Foru Plana2016ko abenduaren onartu zuen foru erakundeak).

Arabako Foru Aldundiak bere erakunde jardueraren lehentasunen artean ezarri du generoaren zeharkakotasuna eta emakumeen eta gizonen berdintasuna, eta, hala, berdintasun politikak ezarri eta garatu izan ditu, eta politika horiek abian jartzeko egiturak sortu.

Berdintasunerako IV. Foru Plana onartuz geroztik, eta ikusirik berdintasunaren arloko koordinazioa eta sustapena hobetzeko beharra zegoela, aldaketak egin dira aurreko planarekin sortutako barne egituretan, haien egiturak eta edukiak erronka eta helburu berriei egokituz, aldaketok berekin dakartelarik genero dimentsioa integratzea gauzatzen diren jarduera guztietan, foru kudeaketa publikoaren fase eta maila guztiei eraginez.

Sail arteko Batzorde berrituaren eginkizunetako batda sailen eta foru sektore publikoko gainerako entitateen arteko solaskidetza organo iraunkorraren eginkizuna betetzea emakume eta gizonen arteko berdintasunari dagokionez, eta, halaber, elkarrizketarako eta esperientziak eta proposamenak elkarrekin partekatzeko gune izatea, sinergiak eragitearren berdintasuneko foru politiken kudeaketa eta emaitzak optimizatzeko.

Era berean, Sail arteko Batzordeak foru gobernu kontseiluari emango dio Berdintasunerako Foru Planaren kontu estrategikoen jarraipenaren berri, eta sail arteko beste plan, programa eta jarduera lerro batzuk sustatuko ditu, gauzatzeko

Contenido Patrocinado

Fotos

Vídeos