http://static.elcorreo.com/www/menu/img/zurekin-desktop.jpg

Aldundiak abian jarri du Apinaizko hodi biltzaile berria

Aldundiak abian jarri du Apinaizko hodi biltzaile berria

367.500 euroko inbertsioa eginda, Apinaizko hondakin urak dagoeneko Maeztuko araztegian arazten dira

I.AGOTE

Arabako Foru Aldundiko Ingurumen eta Hirigintza Sailak abian jarri ditu Apinaizko hodi biltzaile berriak, zeinek Maeztuko araztegira eramaten baitituzte herriko hondakin urak. Obrak 367.500 euroko aurrekontua izan dute eta, horiei esker, Arabako Aldundiak beste urrats bat egin du lurraldeko ubide naturaletako uraren kalitatea hobetzeko.

Zehazki, hodi biltzaile berria hiru kilometro eta erdi da luze, eta ibilbidearen zatirik handiena A-4123 errepidearekiko paraleloan egiten du. Abiapuntua 2015eko proiektu bat izan zen, zeinetan, hasiera batean, araztegi bat Apinaizen eraikitzea planteatu baitzen. Geroago, erabaki zen Maeztuko araztegira eramatea, grabitatearen indarrez eta hodi biltzaile baten bidez herri horretako saneamenduarekin lotzeko.

Arabako ibaietako ingurumen kalitatea babesteko foru aldundiak gauzatutako beste jardun bat da; izan ere, zenbait herrigunetako hondakin uren tratamendua bateratu du, dena batera arazteko eta ur zikinik tratatu gabe edo behar besteko tratamendurik egin gabe ubide naturaletara ez isurtzeko.

Hodi biltzaile berria Kanpezun

Arabako Mendialdean ere, Aldundia Kanpezuko hodi biltzaile berriaren obren esleipena izapidetzen ari da. Hain zuzen, gasolindegiaren eta Santikurutze Kanpezuko herrigunearen arteko tartean egongo da eta, zehazki, gaur egungo saneamenduko hodi biltzailea berrituko da eta euri urak araztegira sartzeko bidea kenduko da, eraginkorragoa izan dadin.

Lanen hasierako aurrekontua 233.290 euro izan da, eta dagoeneko atera dira lizitaziora. Lursailen eskuratzea izapidetzen ari da eta, beraz, obrak uda aurretik hastea espero da.

Gaur egun, ur garbia iristen da araztegira baratzeen gunetik; ur horrek ibaiaren kolubioia zeharkatzen du gasolindegitik A-132 errepideko zubira arteko tartean eta, horren ondorioz, ura iragazten da maila freatikoan.

Contenido Patrocinado

Fotos

Vídeos