http://static.elcorreo.com/www/menu/img/zurekin-desktop.jpg

Aldaketak izango dira tranbian Erregeen desfilea dela eta

Hiritarrek arazoak izan ditzakete alde batetik bestera mugitu nahi badira

ELCORREO.COM

Erregeen desfilea ospatzeko eguna heldu da jada eta Bilbotik mugitzea ez da batere erraza izango gaur arratsaldean. Eusko Jaurlaritzaren esku dagoen Euskotren sozietate publikoak aldaketak egingo ditu Bilboko eta Gasteizko tranbia zerbitzuetan eta, gauzak horrela, hiritarrek arazoak izan ditzakete alde batetik bestera mugitu nahi badira.

Autoan zirkulatzea ez da gomendagarria izango ezta ere eta, beraz, Bizkaiko hiriburura hurbildu nahi direnek kontutan izan beharko dute oso egun berezia dela gaurkoa eta arazoak izan ditzatekela presarekin ibiltzen badira. Bilbora hurbiltzeko intentzioa baldin baduzu, kontuan izan denbora tarte batean Melchor, Gaspar eta Baltasar erregeen bisitagatik errepide asko moztu egingo direla Bilbon eta ez dela batere erreza izango hirian zehar alde batetik bestera mugitzea autopilaketak eta desbideraketak direla eta.

Horrela, Bilboko tranbiari dagokionez, zirkulazioa moztuko da Arriaga eta Pio Baroja geralekuen artean 17:30etik 20:30era, gutxi gorabehera. Dena den, moztuta dagoen bitartean, Casilla-Pio Baroja tartean tranbia normaltasunez ibiliko da eta hamar minutuan behin izango da zerbitzua. Atxuri-Arriaga tartean tranbiak 15 minutuan behin ibiliko dira eta garraio publikoa normaltasunez ibiliko da egunaren gainerako orduetan.

Bestalde, Euskotrenek jakinarazi du ostiral arratsaldeko 17:51ean tren berezi bat helduko dela Gernikako geltokira, eta bertan Errege Magoak helduko direla, Bizkaiko herrian ospatuko den desfilea hasteko. Informazio gehiago lortzeko, erabiltzaileek eskura dituzte www.euskotren.eus webgunea, @euskotrenEJGV Twitter gunea eta Euskotrenen app ofiziala kontsulta ditzateke.

Temas

Euskera

Contenido Patrocinado

Fotos

Vídeos