El Correo

Bideo-joko euskaldun bat, urteko onenen artean

vídeo

Bonbak erabiltzen dituen babuino txiki bat da jokoaren protagonista. / RELEVO

  • 'Baboon!' jokoak ekainaren 25ean jakingo du 2015. urtean Espainia mailan PlayStationentzat egin den lanik disdiratsuena den ala musika hoberena duen

Harrigarri ala ez, euskal bideo-jokoen industria zorioneko dago azken boladan. Hurrengo ostegunean (ekainak 25) 'Baboon!' jokoak bi sari irabazi ditzake Espainia milan. Lehenengoa, musikaren arloari doakio lotuta. Bestea, agian garrantzitsuagoa teknika aldetik, kontsola-jokorik onena izatea. Urtearen hasieran atera zen PS Vita plataforman joko euskalduna, eta begirune handia lortu du Espainia mailan. Sony Mobilek bultzatutako zeremonia batean ezagutuko du onena den ala ez.

'Baboon' Euskadin PlayStationentzat egindako lehenengo bideo-jokoa da. Estrategia eta puzleak nahasten dira bertan, eta manga itxura txikia ere badu. 'Tumbili' tximu txikia da protaonista (baboon, ingelesez, babuino da), aurrera egiteko bonbak erabiltzen dituena. 60 maila dira guztira, 8 mundutan banatuta.

Gamelab sariak garrantzitsuenetarikoak dira, eta euren 8. edizioa ospatuko dute hurrengo ostegunean. 'Baboon!' euskaldunaren aurkariak 'Funk of Titans' (Katalunia), 'Ziggurat' (Asturias) eta 'Spy Chameleon: RGB Agent' (Katalunia) izango dira kontsola jokoaren atalean, eta 'Bubble Witch Saga 2', 'Standorm: Pirate Wars' eta 'Skara: Rhe Blade Remains' izango dira (denak Kataluniakoak).

Bideo-joko euskaldun bat, urteko onenen artean

Jon Cortazar Bilboko Relevo Videogames estudioko sortzaile eta zuzendariak dioenez, "oso garrantzitsua da" hautagaien artean azaltzea. Alde batetik, "gailentasun handia daukate sari hauek". Izan ere, 'Academia Española de las Artes y las Ciencias Interactivas' da hauteslea. Eta bestetik, "etorkizunerako eta merkatu berrietan agertzeko" ezin hobea izango litzateke horrelako sari bat jasotzea.

Relevo, oraintxe bertan, Txinan, Taiwanen eta Japonian jokoa ateratzear da, eta nahiz eta euskaldun enpresa honentzat izendatuen artean egotea nahikoa den, ez dute itxaropena galtzen. "Produktu oso onak dira gure lehiatzaileak, baina jendeak gu ikustea eta nabarmentzea nahi dugu", adierazten du Cortazarrek.