Gazteak versus zaharrak
Autobusean nindoala entzun nituen gazte batzuk etxeko helduei buruzko kexak botatzen. Ez zuten «heldu» esaten, «zahar» baizik
Arantxa Urretabizkaia
Lunes, 27 de febrero 2017, 01:51
Secciones
Servicios
Destacamos
Edición
Arantxa Urretabizkaia
Lunes, 27 de febrero 2017, 01:51
Necesitas ser suscriptor para acceder a esta funcionalidad.
Compartir
Autobusean nindoala entzun nituen gazte batzuk etxeko helduei buruzko kexak botatzen. Zirrikitu batetik begiratzen duenaren disimuluaz, berehala konturatu nintzen etxekoei leporatutakoak heldu guztiontzat balio zuela. Ez zuten «heldu» esaten, «zahar» baizik. Zaharrek ez dute ulertzen zer nolako onura duten sare sozialek. Ezjakintasunaz mintzo dira zaharrak, beste mundu batean bizi dira.
Eta bai, mundu honetan dauden mundutxo desberdinek apenas duten elkarren arteko harremanik. Hainbeste komunikazioren artean, elkarri bizkar emanez bizi gara, eta joera hori sakontzen ari da abiada izugarrian. Zaharrok gutxietsi egiten ditugu gazteak, gazteek gutxiesten gaituzte gu.
Azterketek diote, azken hamar urteotan, gazteak direla gehien sufritu dutenak, gehien galdu dutenak. Zaharrak, berriz, nola-hala, gorde egin dute krisiaren aurretik zutena. Horrela gauzatu da gaur ia arrunta iruditzen zaigun egoera: ez dira gazteek zaharrei laguntzen dietena, baizik eta zaharrak gazteei laguntzen dietena.
Horra belaunaldi arteko talka sorrarazi dezakeen egoera. Zertan gastatu behar dute gobernatzen gaituzten erakundeek guztion dirua, zeintzuk izango dira etorkizuneko lehentasunak, zaharren egoitzak ala gazteentzako alokairuzko etxebizitzak? Zeini erraztu garraio publikoa, zaharrei ala gazteei?
Zaharrok gero eta gehiago izango gara, gazteak gero eta gutxiago, eta, gainera, dirudienez adinaren araberakoa izaten da ematen dugun botoa: zaharrok alderdi tradizionalei, gazteek alderdi berriei. Gizarteak gutxietsi egiten ditu zaharrak, gizarteak gorroto du zahartzaroa, baina gazteak dira galtzen ari direnak, nora ezean dabiltzanak.
Esan eta errepikatu genien ikasten bazuten, ondo prestatzen baziren, lan on bat lortuko zutela eta hor daude, lanik gabe, patrikak tituluz beteak eta oraindik gurasoek edo aitona-amonen laguntzen menpe, seme-alabak izatea burutik ere pasatzen ez zaiela.
Ez nuke gaur gazte izan nahi. Hobeto bizi gara zaharrok.
Publicidad
Publicidad
Te puede interesar
Publicidad
Publicidad
Reporta un error en esta noticia
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.