Bost errefuxiatu heldu ziren atzo Euskadira

Euskadik bost errefuxiatu gehiago jaso zituen atzo eta jada 31 dira Euskal Autonomi Erkidegoan bizi diren erbesteratuak. Zehazki, Siriako bikote bat bere hiru seme-alabekin heldu zen Gipuzkoara asteazken honetan, Europar Batasunak herrialde horretako gerra zibiletik alde egiten saiatzen ari diren herritarrak lurralde komunitarioan integratzeko duen planaren barruan.

Eusko Jaurlaritzak adierazi duenaren arabera, Gipuzkoara iritsi diren errefuxiatuei gehitu behar zaizkie Bizkaira joan den astean heldutako beste bi familia. Horietako batek 4 kide ditu -horietako bi haurrak dira- eta Turkiatik heldu zen. Bestea sei pertsonek osatzen dute -horietatik lau seme-alaba- eta Greziako kanpamendu batetik etorri ziren. Arabara iritsi zirenekin batera, guztira, Euskal Autonomi Erkidegoan 31 errefuxiatu daude dagoeneko.

Logikoa denez, esperientzia ezatsegin hau bizi duten haurrekin sentsibilitate berezia izan behar da. Horrela egin da duela aste pare bat Gasteizera heldu ziren haurrekin. Bere amarekin iritsi ziren Greziatik eta bere moldatzeko aldia «astiro baina ondo doa». «Mutila bere adineko beste umeekin dago udaleku batzuetan eta neska uda aprobetxatzen ari da gaztelaniako klaseak ematen».

• Temas
• Zurekin Bizkaia
• Zurekin Araba