"Giro ikaragarria" Boiseko Jaialdiaren hasieran

Hastear da Boiseko Jaialdia eta giro "ikaragarriak" hartu du dagoeneko Idahoko hiriburua. Euskal diasporaren festa Kepa Junkerak streaming bidez Iberdrola dorretik eskainitako kontzertuarekin hasi da. Bertara iritsi da Iñigo Urkullu legendakaria dagoeneko, eta txoko guztietatik heldutako jendearekin topo egin du. Boisera heldu eta Urkulluren lehen hitzak komunitateak "euskal sena" mantentzeari lotuta egon dira. Bere hitzetan, euskal nortasun hori mantentzeak "balio behar digu loturak estutzeko ekonomia, gizarte eta kultura arloan". Horrek, bere ustez, "berebiziko garrantzia" du "diasporizazioan", hau da, euskal gizartearen nazioartekotzean. "Mundura irtentzen diren euskaldunek etxe bat dute hemen", ziurtatu du.