Getxoko udalekuetarako epea, zabalik

Izena on line emateko aukera izango da, www.getxo.net/gazteria webgunean. Halaber, Herritarren Arretarako Bulegoetan eta Gazte Bulegoan ere izena emateko orriak eskuragarri izango dira, nahi izanez gero, izena bertan emateko. Eskaera kopuruak plaza kopurua gaindituko balu zozketa egingo litzateke, eta emaitza maiatzaren 25ean ezagutaraziko da.

Hiriko udalekuez gain, Getxoko Udalak udarako umeentzat eta gazteentzat aisialdirako eskaintza hurrengo tokietan ere antolatzen du: Musika Eskolan, Ludotekan (bi kasuetan izen ematea maiatzean), Gaztelekuan, Letren Terrazak edo kaleko liburutegiak, Getxo Kirolaken kirol ikastaroak (izen ematea zabalik maiatzaren 11ra arte) eta ikastaro trinkoak udal euskaltegian. Eskaintza hori Getxoko Udalaren diru laguntza duten udalerriko beste talde batzuek aurkeztutakoarekin osatuko da, horien artean, Bizarra Lepoan elkartearen Bapiruke udalekuak (izen ematea maiatzean), bela eta zaldi ikastaroak eta abar.