Zein da famatuen gorputzen salneurria?

Gaur egun, antzinako moda hau jarraitzen duten famatuak gero eta gehiago dira. Taylor Swift abeslariak bere hanken salneurriaren berri eman zuen duela egun batzuk. Zenbat balio dute? 30 milioi euro. "Neurrigabeko dirua dela eman ahal du, baina bere hankei zerbait gertatzen bazaie, Taylorrek galduko luke agertokien gainean duen nortasun berezia", adierazi du abeslariaren inguruko pertsona batek. Beste famatuek diru gutxiago eskatzen dute. Rihannak milioi bat euroko hankak ditu eta Heidi Klumrenek bi milioi balio dute, Jamie Lee Curtisenek bezala. Tina Turnerenek, ordea, hiru milioiko prezioa daukate.

Beste famatuek lan egiteko gorputzeko zenbait atal behar dituzte eta horregatik jartzen diete salneurria. Bruce Springsteenek bere ahotsa 4,5 milioiean aseguratu zuen. Rolling Stonesen gitarra-jotzaile Keith Richardsek azken aldian bere eskuak babestu ditu. David Beckham eta Cristiano Ronaldo futbolariek gauza bera egin dute haien hankekin. Eta Iker Casillasek sei milioiko eskuak ditu 2007. urtetik.

Bestalde, aktore ugari daude kualitate fisikoak galdu nahi ez dituztelako kezkatuta. Kasurik ospetsuena Jennifer Lopezena da. Orain dela urte batzuk bere ipurdiari izugarrizko salneurria jarri zion, baina behin eta berriz debaluatu ondoren, 45 milioi euroan geratu da. Beste adibide batzuk bitxiagoak dira. Tom Jones musikariak bularreko ileak tasatu zituen bost milioiean. Van Halenko kantari David Lee Rothek bere espermari jarri dio prezioa: gutxigatik ez da milioi bat eurora iristen. Julia Robertsen irribarrea hogei milioiean baloratuta dago, eta América Ferrara, 'Betty la fea'ko protagonistarena, zazpi milioiean. Dolly Parton abeslariaren bular bakoitza milioi erdi bat kostatzen da eta Madonnarenak, bi. Daniel Craig aktoreak, bestalde, bere gorputz osoari salneurria jarri zion James Bondenarena egin ondoren. Jennifer Anistonek bere melena dauka aseguratua eta Claudia Schiffer modeloak bere aurpegia ezustekoen aurka babestu zuen. Baina kasurik famatuena Mariah Careyrena da. Bere hankek 1.000 milioi euro inguru kostatzen direlako zurrumurrua dago. Zifra horrekin konparatuz, Taylor Swiftenek nahiko merkeak dirudite.