Hauteskundeen arabera "zergak gauetik goizera aldatzea serioa ez dela" salatu du EAJk

EAJ/PNVko zuzendaritzak berehala erantzun dio Cristóbal Montoro Ogasun ministroari. Hauteskundeen arabera "zergak gauetik goizera aldatzea ez da serioa", azpimarratu du alderdi jeltzaleak, Espainiako gobernuak iraganean berdin jokatu zuela gogorarazi duenak. Honela, hiru foru aldundiek sendo mantendu dute euren jarrera: zerga jaitsierarik ez da egongo.

EAJk argi utzi du bere erabakia itxoitea dela. "Ikusiko dugu zer ibilbide duten zerga-aldaketek eta zer emaitza eskaintzen duen 2016". Izan ere, jeltzaleen ustez, 2017an ikusi beharko da "egoera egokia den edo zerbait aldatzeko momentua den". "Hauteskundeen bezperan zergak jaitsiko dituztela esaten duten guztiez mesfidatzen gara. Gainera, Rajoyren kasua daukagu, hauteskundeak amaitu zirenean igo baitzituen. Ministroak Espainian egin behar duena egin dezala esan dio EAJko zuzendaritzak. "Euskadi askoz ere hobeto kudeatzen ari da bere ekonomia arloa eta zerga-sistema", azpimarratu dute jeltzaleek.