Nazca taldea, Gaztea maketa lehiaketaren irabazle

Gaztearen 25. urteurreneko Maketa Lehiaketa honetan, saria, esan bezala, Nazca taldearentzat izan zen. Aiora Renteriak, Pablo Cabezak eta Fermin Etxegoienek osatutako epaimahaiak lan zaila izan zuen, irabazle bakarra hautatzeko. Nazca taldeak 2.000 euro dirutan irabazteaz gainera, Mecca Recording Studiosekin lau abesti grabatzeko hautua lortu dute, eta Bilbao BBK Live jaialdian aritzeko aukera izango dute.

Halaber, duela egun batzuk 2.000 euroko Entzulearen Saria Stai Zittok irabazi zuen. Beste saritu bat ere izan da aurtengo Maketa Lehiaketan. Kafe Antzokiak Baobabs Will Destroy Your Planet taldea saritu zuen.