El Correo

Euskal dantzagintzari eskainitako saila izango da Sismògraf jaialdian, Oloten

  • L'Erupció Sismògraf jaialdiaren proposamen berria da, eta arreta dantzagintzaren alderdi zehatz batean jartzean datza

Sismògraf dantza jaialdiaren bederatzigarren edizioa ospatzen ari da Gironako Olot hirian, Katalunian, ostegunetik igandera, eta Euskal Herrian eta bertako dantzan arreta jarriko duen Erupció Basca (Euskal Erupzioa) saila izango du aurten, Etxepare Euskal Institutuaren babesarekin.

L'Erupció Sismògraf jaialdiaren proposamen berria da, eta arreta dantzagintzaren alderdi zehatz batean jartzean datza: ideia bat, mugimendu bat, koreografo bat, dantzari bat, konpainia bat edo lurralde bat eta testuinguru zehatz bat. 2017ko ediziorako Euskal Erupzioa sortzea erabaki dute, euskal dantzagintzatik datozen elementuei garrantzia emanda eta euskal lurraldeari eskainitako zikloa programatuta.

Etxepare Euskal Institutuak jakinarazi duenez, ADDE (Euskal Heerriko Dantza Profesionalen Elkartea) bertan izango da euskal dantzagintza ordezkatzen eta euskal lurraldeko dantza ekosistema aurkezten: sorkuntza guneak, euskal dantza profesionalen katalogoa, Euskal Herrian dauden dantza jaialdiak. Etxepare Institutuko kultur zuzendari Irene Larraza ere izango da euskal ordezkaritzarekin batera.

Recibe nuestras newsletters en tu email

Apúntate