Euskaraldia dinamizatzeko lanpostua eskaintzen da Bermeon

IRATXE ASTUI BERMEO.

Bermeon Euskaraldia ekimena dinamizatzeko lan jardun erdiko lanpostua bete gura da eta horretarako 11 hilabeterako lan kontratua eskaintzen dau Euskaltzaleen Topaguneak, otsailaren 1etik hasita. Curriculumak hilak 17a baino lehen aurkeztu behar dira, Lansareanen bidez. Dokumentazioa, gura izan ezkero, lanpoltsa@topagunea.eus helbide elektronikora zein Euskaltzaleen Topaguneko Durangoko bulegora(Landako Etorbidea, 4 -102 bulegoa -Durango (48200)- be bidali ahal da.

Bermeoko Euskaraldia dinamizatzeko zereginen artean dagoz herriko eragileei eta herritarrei ekimena aurkeztu, euskaltzaleak saretu eta batzordea osotu, besteak beste. Horrez gain, batzordearekin batera, herriko plangintza zehaztu eta kronograma egin eta batzordean zehazten diran kudeaketa lanak bideratuko dauz.»Bermeoko herria eta eskualdea ezagutzea, euskaltzalea izatea eta euskalgintzaren ezagutza izatea eta baita komunikazio alorreko ezagutza izatea baloratuko dira», baieztatu dabe.

Temas

Bermeo

Contenido Patrocinado

Fotos

Vídeos