Euskal oiloaren erakusketa eta 30 salmenta postu hartuko dauz bihar Mendatako azokak

IRATXE ASTUI MENDATA.

Mendatak bere nekazal azokaren 21. edizioa ospatuko dau bihar. Lehen sektoreari lotutako hitzorduak, Euskal Oiloaren erakusketa eta baserri giroko 30 bat salmenta postu hartuko dauz, goizeko 9.00etatik aurrer. «Nekazal produktu eta makineria, artisautza eta hegaztien salmentarako kazetak izango dira», zehaztu dabe Mendatako Udaletik.

Euskal Oiloen tokiko produktoreak dagozan bost arrazak erakutsiko dabez: Oilo Zilarrak, Lepasoilak, Marradunak, Beltzak eta Gorriak, hain zuzen be. «Guztira, ehun bat kaiola eta hainbeste hegaztientzako zabalguneak egokituko dira azokagunean», aurreratu dabe. Eguneko programan, bestalde, idi probla desafioa be iragarrita dau, 12.30etarako. Norgehiagoka Iturbe Anaiak-en eta Jon La Cruzen idi uztarrien artean izango da.

Azokara bertaratzen diranak, txarria burduntzi erara dastatzeko aukera be eukiko dabe. Txarria erretzen gauean ipiniko dabe eta bihar, eguerdi partean banatzen hasiko dabez pintxoak.

Temas

Mendata

Fotos

Vídeos