Bermeoko alde zaharreko planari proposamenak egiteko epea zabalik dago

Bermeoko Udalak Alde Zaharraren plan bereziaren berrikuspenaren aurrerakina aurkeztu eta gero, herritarrek proposamenak, iradokizunak, galderak edota zalantzak argitzeko aukera izango dabe Berh@z bulegoan, Kultur Etxean zein Berualako bulegoetan. «Horretarako epea apirilaren 8rarte zabalik egongo da», zehaztu dabe Udaleko iturriek.

Datorren astean eskuragarri egongo diran inprimakien bitartez edo planberezia@bermeo.eus helbide elektronikoaren bidez igorri ahal izango dabez herritarren euren proposamenak, eta «mezu guztiek erantzuna jasoko dabe», egiztatu dabe. Alde Zaharraren plan bereziaren aurrerakina kontsultatzeko, hain zuzen be, Bermeoko Udalaren webgunean -www.bermeo.eus/plan_berezia.html- jo ahal da. Bertan batzen dira memoria, planoak, kultura ondareko elementuak, babespen mailak eta plan bereziaren mugaketaren dokumentuak .