Arrigorriagan euskara ikasi nahi?

Arrigorriagako Udal Euskaltegian matrikula egiteko epea ekainaren 15etik 30era egongo da irekita, bai udako ikastaro trinkoetarako (uztaila edo iraila), bai 2017-2018 ikasturterako (urritik ekainera).

Aurreko urteetan bezala, datorren urteko ikasturteko matrikula ekaineko bigarren hamabostaldira aurreratzen bada, 50 euroko beherapena egingo da. Gainera, aurten ere, matrikula berriz egiten duten ikasleentzako eta langabeentzako prezio baxuagoak egongo dira.

Maila guztietan eman daiteke izena (A1, A2, B1, B2 eta C1), eta aurten, berritasun nagusi gisa euskara-ziurtagiria euskaltegian bertan lortzeko aukera eskainiko da etengabeko ebaluazioren bitartez.

Matrikula egin nahi dutenek informazio gehiago lortu ahal izango dute 944002060 eta 944020211 telefono-zenbakietara deituz edo euskaltegiko webgunea kontsultatuz: www.arrigorriagakoeuskaltegia.eus.

• Temas
• Zurekin Bizkaia
• Zurekin Bizkaia destacadas