El Correo

Mungian Bildumazaleen XV. Feria

  • Bitxikiak Bildumazaleen Alkarteak antolatutako ekitaldi hau Udal Kiroldegian eta herriko puntu desberdinetan egingo da apirilaren 22an eta 23an

Mungian Bildumazaleen XV. Feria egongo da apirilaren 22an eta 23an, Bitxikiak Bildumazaleen Alkarteak antolatua. Ekintza hau gero eta protagonismo handiagoa hartzen joan da urtez urte, gero eta pertsona gehiago bertaratuz, bai mungiarrak bai ekitaldi honetaz disfrutatzera datozen beste hainbat bisitari ere.

Hurrengo zapatuan, goizeko 10:00etan, izango da Bildumazaleen XV. Feriaren inaugurazio-ekitaldia, ohorezko aurreskuarekin, udal kiroldegian.

Igor Jubingo, Asier Larrondo eta Rikar Herbosa bildumazaleek aurkeztutako ‘Elvis Presley’ artistari buruzko erakusketa nagusia egongo da udaletxeko Erakusketa-Aretoan. Hainbat eta hainbat pieza ikusteko aukera izango dugu, apirilaren 21etik 30erarte ikusgai egonez.

Feriaren ekintzarik garrantzitsuenak udal kiroldegian egongo dira. Gunea 42 postuz osatua egongo da eta ekintzarik gehienak han ikusiko ahal izango dute bertara hurbiltzen direnek:

-Tren-maketa (Asociación Agrunorte)

-Elur-bolak (Ibon Madariaga)

-Kamioi artikulatuak (Baltasar Zapatero)

-Playmobil bikingoak eta pirata ontziak (Luz Divina eta Loli Carretero)

-Antzineko prentsa (Enrique Oribe)

-Suhiltzaile kamioiak (Rafael Canales)

-Maleta disko-jogailuak (Alberto Díaz Hierro)

-Antzinako panpinak (Mº Teresa González Serrano)

-Sakelako erlojuak (Kepa Freire)

-Komikiak (Francisco Jurado)

Beren ekintza espezifikoak sustatzen dituzten bildumazale-elkarteak ere egongo dira bertan: Orratz (Pines), ACCB (Sakelako egutegiak), Replega (Feria de Monzón), Feria de Mieres, Agrunorte (Tren-maketak), Xacavi, M.C. Colecciones eta Penya de Roquetes del Garraf.

Bitxikiak Bildumazaleen Alkarteak bildumagarri esklusiboak prestatu ditu, bereziki editatuak eta prezio txikietara lortu ahal izango direnak. Posta-txartelak, egutegiak, titareak, aitzurketa plakak (Bizkaiko ezkutuak), azukre-koxkorrak eta orri-markatzaileak(gaia: gure inguruneko txoriak), besteak beste.

Hortaz aparte, Miniaturazko Lurrinen 6. Topaketa ospatuko da Bitxikiak Alkartearen egoitzan (Aita Elorriaga, 3), bildumazaletasun honetan Europako erreferente bat den, Marie Pierre Poltorak-ek koordinatuta. Gainera, 'Antzinako Lurrinak' erakusketa aurkezten du. Truke eta salerosketa gunea ere izango da.

Eta Bitxikiak-en erakustokiko erakusleihoan (Aita Elorriaga 3) Fernando Fano-ren Kafe-Errotetako erakusketa egongo da ikusgai. Batez ere, Euskal Herrian egindako piezak erakutsiko dira.

Lego zaleak

LEGO zaleen 9. Topagunea ospatuko da Gaztegunean, Antonio Bellon-en gidaritzapean. Urtero bezala, dioramak aurkeztuko dituzte eta tailerrak ere egingo dira, gazteentzako lehiaketa eta sariak egonez. Ekitaldi honek, eraikuntza-joko famatu honen enpresa fabrikatzailearen babesa du.

Eta Mugire Txokoan Panpinen Etxeei buruzko 4. Topagunea ospatuko da. Feriari dagokionez, beronen hirugarren edizioa izango da, ekintza hau Nerea Hormaetxe mungiarrak gidaturik.

Legardan, bestalde, truke gunea Legardan egongo da. Zaleek bertan egongo diren mahai eta aulkiak doan erabili ahal izango dituzte, beren trukeak erosotasunez egiteko. Feriara gerturatzen diren ume eta gazteei 'bale' bat bana emango zaie eta mineral bat jaso dezakete beronen truke. Horrez gain, mineral-bildumak zozketatuko dira.

Recibe nuestras newsletters en tu email

Apúntate