El Correo

Arrigorriagako ludoteken programazioa berezia Aste Santurako

  • Gaurtik aurrera eta apirilaren 21aren artean, goizez emango da zerbitzua, lanegunetan; 10:30etik 13:00etara herrigunean, eta 11:00etatik 13:00etara Abusun

Aste Santuko oporrak direla eta, Arrigorriagako ludoteken programazioa moldatuko da gaurtik aurrera eta apirilaren 21era arte. Hain zuzen ere, zerbitzua emango dute lanegunetan, goizez. Herriguneko ludoteka 10:30etik 13:00etara egongo da zabalik; Abusukoa, aldiz, 11:00etatik 13:00etara.

Ludotekaren zerbitzua ikasturtean izena eman duten haurrentzat izango da; beraz, ordutegia aldatuko da, baina ez jadanik ezarrita dauden taldeak.

Oporretarako programazio berezia bi ludotekek elkarrekin egindako lan-proposamena da. 'Aste Santu tropikala' izena jarri diote, eta hiru jarduera-mota eskainiko dira:

—Eskulanen tailerrak: landare tropikalak, gatz magikoak, haizemaileak, collageak etab.

—Jarduerak kanpoaldean, inguruko parkeak aprobetxatuz; betiere, eguraldiak ahalbidetzen badu. Hainbat joko eta txapelketa antolatuko dira.

—Abusuko haurrek bisitaldia egingo dute Lonboko ludotekara. Talde-jarduera izango da, bi ludoteketako umeek elkar ezagutu dezaten. Hainbat jarduera egingo dituzte: lokalaren bisita, elkar ezagutzeko jokoak, mazedonia erraldoi bat eta jolasak kalean.

Recibe nuestras newsletters en tu email

Apúntate