El Correo

Abdominal hipopresiboen tailerra Arrigorriagan

  • Interesatuta dauden bazkideek izena martxoaren 25era arte eman dezakete kiroldegian bertan

Apirilean, maiatzean eta ekainean abdominal hipopresiboen tailer bat eskainiko da udal kiroldegian, astearteetan eta ostegunetan, 20:30etik 21:20era. Guztira 15 plaza erreserbatu dira.

Tailerraren helburua zoru pelbikoko muskulatura indartzea da, erditzeak, menopausiak edo adinak eragindako narriaduraren ondoren. Horrez gain, gernua galdu edota puxika, umetokia edo ondestea erortzen diren egoerak prebenitzeko egokia da, edota disfuntzio sexualeko kasuetarako; izan ere, norberarenganako segurtasuna indartu egiten da. Aldiz, haurdun dauden emakumeentzat edo hipertentsio arteriala daukatenentzat ez da komenigarria.

Interesatuta dauden bazkideek izena martxoaren 25era arte eman dezakete kiroldegian bertan, 51 euroko prezioa ordainduta; bazkide ez direnek martxoaren 26tik aurrera eman ahalko dute izena, 93 eurotan. Tailerra apirilaren 4an hastea aurreikusi da.

Recibe nuestras newsletters en tu email

Apúntate