El Correo

Tranbiaren zerbitzu bereziak, Athletic-Real Madrilen partida dela eta

  • Atxuritik Casillara 15 minutuan behin izaten diren zirkulazioez gain, Atxuritik Casillara 15:22an eta Pio Barojatik Ospitalera 15:52an eta 16:01ean irtengo diren zerbitzu bereziak izango dira

Euskotrenek Bilboko tranbiaren zerbitzu bereziak eskainiko ditu larunbatean Athleticek eta Real Madrilek San Mamesen 16:15etik aurrera jokatuko duten partida dela.

Horrela, garraio konpainiak jakinarazi duenez, Atxuritik Casillara 15 minutuan behin izaten diren zirkulazioez gain, Atxuritik Casillara 15:22an eta Pio Barojatik Ospitalera 15:52an eta 16:01ean irtengo diren zerbitzu bereziak izango dira.

Partida bukatu ondoren irteera modu egokian egiteko, 18:00etatik 18:20ra bitartean, gutxi gorabehera, zerbitzuaren mozketa partziala egingo da Casilla eta Euskalduna artean. Behin mozketa bukatuta Atxurirako eta Casillarako tranbiaren zirkulazio bereziak martxan jarriko dira.

Neurketaren ondoren San Mamesetik hurbil dauden geralekuetan pilaketak ekiditeko, Euskotrenek Euskaldunako geralekura joatea aholkatzen du, geraleku horretatik tranbiaren zerbitzu bereziak irteten baitira. Unitate hauek geralekuetan egongo diren pertsona guztiak eramateko beharrezko lekuak eskainiko dituzte.

Bilboko tranbiarako sarrera errazagoa eta azkarragoa izan dadin, Euskotrenek ordaintzerakoan Barik erabiltzailea gomendatzen du. Informazio gehiago lortzeko, erabiltzaileek 944 333 333 telefono zenbakira dei dezakete, edo bestela, www.euskotren.eus webgunea edota @euskotrenEJGV Twitter gunea kontsultatu.

Recibe nuestras newsletters en tu email

Apúntate