El Correo

Euskadiko outlet azokarik handienak 150 erakusle baino gehiago bilduko ditu asteburuan BECen

  • Stock Euskadiren hamabigarren edizioa gaurtik igandera arte ospatuko da

Stock Euskadi Euskal Autonomia Erkidegoko (EAE) outlet azokarik handienaren hamabigarren edizioa ospatuko da Barakaldoko Bilbao Exhibition Centre (BEC) erakustazokan, gaurtik igandera. Azokak 1. pabiloiaren 12.500 metro koadro hartuko ditu, 150 erakusle baino gehiagorekin eta berrikuntza handiekin, 40.000 bisitari inguru bildu zituen aurreko hitzorduarekin alderatuz.

Goizeko 11:00etatik iluntzeko 21:00etara arte, etenik gabeko hiru egunetan, jendeak lehen marken eskaintzez gozatu ahal izango du preziorik hoberenean, eta sarien zozketan parte hartzeko aukera eta 'food truck' delakoen eskaintza gastronomiko zabala izango du. Sarreraren prezioa bi euro izango da, eta 14 urtetik beherakoak dohainik sartu ahal izango dira.

Azokak leku bakarrean %80ra arteko beherapenez gozatzeko aukera eskainiko du berriro ere, moda, bitxi, osagai, edertasun, osasun, kirol jantzi, menaje eta etxeko gauza, elektronika eta aisiako lehen marketan, besteak beste. Azken edizioan, 130.000 salerosketa baino gehiago egin ziren hiru egunetan. Hori dela eta, stockei irteera emateko aukera izateaz gain, saltokiek erosle berrien aurrean euren burua ezagutarazteko aukera izango dute, Calvin Klein, Vans, Adidas, Lois, Carrera, Diesel, Carhartt, New Balance, Billabong, Quicksilver edo Geographical Norway bezalako markekin, besteak beste.

Aurtengo berrikuntzen artean azpimarratzekoak dira ehun metro koadro eta apainketa propioa duten gune bereziak, bat Calvin Kleini eskainitakoa, eta bestea Canhartt, Billabong edo Quicksilver moduko markekin surfeko modari eskainitakoa. Erakusguneen artean, nabarmentzekoak dira lehen aldiz egongo den laneko arropari eta uniformeei eskainitakoa edo azken edizioko arrakasta nagusietakoa izan zen 'personal shopper' zerbitzuaren itzulera, besteak beste.

Aurreko edizioan 40.000 bisitari

Stock Euskadi azoka finkatutako ekitaldia da dagoeneko, eta gero eta bisitari gehiago jasotzen ditu (orain bost hilabete egindako edizio osoan 40.000 bisitari inguru jaso zituen, eta egun bakar batean 20.000). Oraingoan, profesionalagoa izateaz gain, dibertigarriagoa ere izango da.

Hitzorduak familia osoarentzako aisiarako gune izan nahi du eta, ondorioz, aurten ere adin guztietara egokitutako ludoteka izango du (puzgarriak txikienentzat, bideo jokoak nagusientzat), bai eta 'food truck' eskaintza zabala ere. Gastrofurgonetek parke natural gisa era berezian apaindutako gunea hartuko dute, jendeak erlaxatzeko aukera izan dezan, Euskal Herriko janari tipikoak edo nazioarteko errezetak dastatzen dituen bitartean.

Bestalde, azokak bere alderdi solidarioarekin jarraituko du eta 3.000 euroko ekarpena egingo dio Bizkaiko Esklerosi Anitzaren Elkarteari (Adembi). Gainera, stand bat lagako dio, bertaratzen diren guztiei bere jardueraren berri emateko. Adembiko ordezkaritza batek jasoko du ekarpena larunbatean, martxoaren 11n, eguerdiko 12:00etan.

Recibe nuestras newsletters en tu email

Apúntate