Aurora & The Betrayers zuzenean Bilboko Kafe Antzokian

Aurora & The Betrayers taldeak kontzertua eskainiko du maiatzaren 26an Bilboko Kafe Antzokian, 22.00etatik aurrera. Uztailaren 28, 29 eta 30ean ospatuko den Mundaka Festival jaialdiaren aurkezpen kontzertua izango da, areto bilbotarreko arduradunek iragarri dutenez.

"Shadows go away" lanarekin debuta egin eta bi urtera, Aurora & The Betrayers disko berriarekin itzuliko dira: "Vudú". «Soinu sendotasun handiagoa» erakusten duen lana da, bai eta «riff hanpatuen rockera gerturatze bat» ere.

«Diskoa jadanik kalean da, eta oso zuzeneko indartsuaz, Aurora & The Betrayers taldeak rockaz betetako gau bat eskainiko du, folk amerikar, soul, funk, r&b eta pop tantekin bustia», adierazi dute Kafe Antzokiko arduradunek.