'Bizkaia 21' atari berriak 26 bisitei buruzko informazioa emango du

Bizkaiko Foru Aldundiak atal berri bat jarri du www.bizkaia21.eus atarian, eta bertan informazio erabilgarria biltzen da iraunkortasun arloko 26 ekipamendutara bisitak egiteko. Haietako batzuetan, erreserbak egiteko zerbitzua dago, bai eta talde itunduen kasuan ere.

Ekipamendu horietatik, hamaika Foru Erakundearenak dira edo loturaren bat dute harekin; beste hamabostetan, berriz, bisita zerbitzuak eskaintzen dira. Lehenengoen artean, hauek daude: Artigas instalazioa, non hiri hondakinei buruzko prestakuntza programak egiten baitira; Uraren Ikasgela, zeinaren bidez Bilbao Bizkaia Ur Partzuergoaren tratamendu instalazioak ikus baitaitezke; Garbiker, non bertako instalazioak bisitatu baitaitezke; Getxo Aquariuma; Karpin Abentura, Meatzaritzaren Museoa, Gorbeiako Parkea, Toki-Alai Urkiolako Parketxea, Armañongo Parketxea eta haren informazio gunea; eta Urdaibai Bird Center.