MarianBidegainek hamarkadak daramatza euskara-irakasle. Maizpide euskaltegiko zuzendaria dugu. «Orain, krisi ekonomikoa dela-eta, jendea saiatzen da gauza gehiago ikasten, bere burua formatzen. Ondo dago lanik gabe gelditu den pertsonak euskaltegian izen ematea, baina kontuz! Hizkuntzak ezin du izan formaziorako gauza hutsa, ezin du izan kurrikulumeko datu hotza. Izan beharko luke Euskal Herrian behar bezala integra-tzeko tresna».
Aspaldiko erronka da etorkinak euskal munduan integratzearena, eta alde horretatik kezka handia du Bidegainek: «Nik beldur handia daukat ez ote den atzera gertatuko orain dela berrogeita hamar urte gertatutakoa. Orduan kanpotar pilak etorri ziren eta oso lagun gutxik ikasi zuten euskara. Orain ere, etorkinak esaten dute lana dela inportanteena, eta hizkuntzarena apenas aipatzen duten».
