El Correo

Udal eta mankonunitateetako langileak euskalduntzen laguntzeko 155.000 euro erabiliko ditu Jaurlaritzak

  • Eusko Jaurlaritzak 10,3 milioi euro inbertituko ditu aurten hizkuntza normalizazioan

Eusko Jaurlaritzak 155.000 euro bideratuko ditu Euskadiko udal eta mankomunitateak laguntzera, lanpostuarekin bat datorren hizkuntza eskakizuna lortzeko liberatzen dituzten langileak ordezkatzeko kostua finantza dezaten.

Jaurlaritzak jakinarazi duenez, Herri Arduralaritzaren Euskal Erakundeak (HAEE) kudeatutako laguntzok honela banatuko dira: 150.000 euro udal administrazioetako langileen liberazioak finantzatzeko eta 5.000 euro mankomunitateetako langileen liberazioak finantzatzeko. Hain zuzen, astean 8, 10, 15 eta 25 eskola ordu arteko ikastaroak diruz lagunduko dira; azken kasuan ikasteko orduak barnetegi batean osatzeko aukera ere aurreikusi da.

Guztira, Eusko Jaurlaritzak 10,3 milioi euro inbertituko ditu aurten hizkuntza normalizazioan, herritarrek administrazio publikoarekin euskaraz erlazionatzeko duten eskubidea bermatzeko.

Recibe nuestras newsletters en tu email

Apúntate