El Correo

Udal Bandak aire zabaleko kontzertuen barruko formatu berria aurkeztuko du gaur, San Martinen

Udal Musika Bandak “Aire Zabaleko Musika” zikloaren barruko formatu berria estreinatuko du gaur San Martinen: haurrei bereziki zuzendutako kontzertua, Unai Sáezek dinamizatua.

Bere ibilbidean, Udal Musika Bandak ehunka kontzertu eman ditu hiriko auzoetan, jaietan gehien bat. Jarduera horietan, estilo, garai eta egile ezberdinen musika eskainiz musika ezagutarazteko zeregina eta musika hori hiriko txoko guztietara eta era guztietako publikoarengana eramateko asmoa batzen dira.

Aurten, ordea, Udal Bandak beste urrats bat egin nahi izan du, musika publiko gazteenarengana ere hurbilduz. Ikasturtean zehar, Bandak Udaleko Hezkuntza Sailak hiriko ikastetxeei begira antolatzen duen “Musika Adierazpena” programan parte hartzen du, eta horren barruan zazpi programa ezberdin jotzen ditu Lehen Hezkuntzako 4. mailatik hasi eta DBH eta DBHOra arteko ikasleentzat, eta Principal antzokiak antolatzen duen “Familientzako musika” zikloan ere jotzen du.

Horrekin lotuta, 2017ko udan familientzako kontzertuak auzoetara ere eramateko aukera ikusi zen, eta San Martinek eta Zabalganak pozik onartu zuten.

Recibe nuestras newsletters en tu email

Apúntate