El Correo

Museoen Nazioarteko Eguna jarduera eskaintza zabal batekin ospatuko da Araban

  • Lantegiak, antzerkia, dantza, bisita interaktiboak edo berregite historikoak dira museoen foru sarean eta Artiumen dagoeneko dauden proposamenetariko batzuk

Datorren maiatzaren 18an izango den Museoen Nazioarteko Eguna dela-eta, Arabako Foru Aldundiak hainbat jarduera antolatu ditu, museoen foru sarean eta Artium-Arte Garaikidearen Euskal Museo Zentroan proposamen eskaintza zabal bat izateko. Igone Martínez de Luna Euskara, Kultura eta Kirol Saileko diputatuak ekimenak aurkeztu ditu Arantza Dabouza Museoen Zerbitzuko teknikariak eta Mari Fran Machón Artiumeko jardueren arduraduradunak lagundurik.

“Museoen Nazioarteko Eguna”ren helburua da jendeari ikustaraztea “museoak zein baliabide garrantzitsu diren kultura trukaketarako, kulturak aberasteko, elkar aditzean aurrera egiteko, lankidetzarako, eta herrien arteko bakerako”, eta, urtero bezala, aurten ere hainbat jarduera egingo dira maiatzaren 18aren inguruan, bide horretan sakontze aldera”, nabarmendu du Martínez de Lunak, “oraingoan, honakoa izango da goiburu nagusia: Museo eta istorio eztabaidagarriak: esanezina esatea museoetan”

Jarduerak azaltzeko ez ezik, aurkezpenak museoen doakotasunera itzuli den lehen urteari buruzko balantzea egiteko balio izan du. “Urtebete igaro da museoetan doakotasuna ezarri genuenetik eta emaitzak benetan pozgarriak direla uste dut. 2016ko maiatzetik 2017ko apirilera, 36.000 bisita gehiago egon dira aurreko urtean data horietan egon zirenak baino, eta argi geratu da jendeak gogo handiz hartu duela neurri hori. Horrela, bada, 2015ean 67.700 bisitari izan ziren, eta 2016an, 93.000 mila. Aurten, 2017an, 31.600 bisitari izan ditugu dagoeneko, eta horrek pentsarazten digu joera horrek jarraitzen badu iazko kopuruak lasai gaindituko ditugula”, erantsi du diputatuak.

Recibe nuestras newsletters en tu email

Apúntate