El Correo

Foru Aldundiak bulego bat irekiko du ekainean, frankismoaren biktimen lekukotasunak biltzeko

  • Frankismoaren biktimei arreta emateko bulegoa Probintzia Plazan kokatuko da

Arabako Foru Aldundiak ekainaren 1etik aurrera martxan jarriko du bulego bat, zeinean frankismoaren errepresioa jasan zuten pertsonen eta beraien ahaideen lekukotasunak bilduko dituen. Honen asmoa da lekukotasun horiek lagungarri izatea errepresio frankistari buruzko txosten bat eta Arabako lurralde historikoan franskismoaren biktima izan zirenen izendun zerrenda bat egiteko.

Bulego hau martxan ipintzea eta txostena egitea EH Bildurekin lortutako aurrekontu akordioaren ondoriozko ekimen bat da.

Arabako foru erakundeak EHUko ikertzaile talde bat egin du lan hori egiteko arduradun, Historia Garakidearen Departamendua zuzentzen duen Mikel Aizpururen zuzendaritzaren pean.

Frankismoaren Biktimen Bulego hau Gasteizen kokatuko da, Foru Aldundiak Probintzia Plazako 5 zenbakian dituen lokaletan, eta ekainaren 1etik abuztuaren 31ra arte egongo da irekita. Ahalik eta biktima gehienengana iristeko asmotan, bulegoa orobat ibiltaria izango da, kuadrillen egoitzetan zabalduko baititu bere ateak ondoren azaltzen diren egunetan:

• Lautadako Kuadrilla: irailaren 4a - irailaren 8a

• Añanako Kuadrilla: irailaren 11 - irailaren 15a

• Gorbeialdeko Kuadrilla: irailaren 18a - irailaren 22a

• Arabako Mendialdeko Kuadrilla: irailaren 25a - irailaren 29a

• Aiarako Kuadrilla: urriaren 2a - urriaren 6a

• Arabako Errioxako Kuadrilla: urriaren 9a - urriaren 13a

Recibe nuestras newsletters en tu email

Apúntate