El Correo

Haizea Urkixo laudiotarra Urruzuno Literatur Lehiaketako poesia sailean saritu dute

  • Orain bost eguneko prestaketa-egonaldian parte hartzeko aukera izango du, une oro euskal idazle zenbaiten laguntzaz

Laudio Ikastolako ikasle talde bat Eusko Jaurlaritzak literatura sormena Bigarren Hezkuntzako gazteen artean sustatzeko antolatzen duen Urruzuno Literatur Lehiaketara aurkeztu da aurten. Beraien artetik, Haizea Urkixo Gorostiagak DBHko 3. eta 4. mailako ikasleen kategoriako poesia atalean banatzen diren bost sarietako bat eskuratu berri du.

Iparraldeko haizeak ileak nahastu eta kezkak uxatu izan dizkio beti. Aitzakia horrekin sortu zuen Haizeak ere, neguko liburu zaharren artean, "Hegaka" olerkia. Beldurrei aurre egiteko hainbestetan isildutakoak oihukatzeko aukera bila aurkeztu zen Urruzuno Literatur Lehiaketara, baita irabazle egokitu ere.

Irabazleek bost eguneko prestaketa-egonaldian parte hartzeko aukera izango dute. Berton literatura tailerrak eta idazketarekin nahiz literatura-sormenarekin zerikusia duten bestelako hainbat jarduera burutuko dituzte, une oro euskal idazle zenbaiten laguntzaz.

Recibe nuestras newsletters en tu email

Apúntate