El Correo

Iruzurraren aurkako neurriak aurkeztu dizkiete Portugal eta Austriako Zerga Autoritateek euskal Ogasunei

  • Portugaleko Ogasuneko ordezkaritza batek bilera egin du Foru Ogasunetako ikuskaritzako teknikariekin berriki zerga iruzurraren aurka egiteko eta Eusko Jaurlaritzako Ogasun eta Ekonomia sailekoekin, hartu dituzten zenbait neurriren inguruan berri emateko

Araba, Bizkaia eta Gipuzkoako foru Ogasunek eta Eusko Jaurlaritzako Ogasun eta Ekonomia sailak lan bilera egin dute, Portugalek zerga iruzurrari aurre egiteko hartu dituen neurriak lehen eskutik ezagutzeko. Horretarako herrialdeko horretako Zerga Autoritateko kideak eta zerga ihesaren aurkako estrategia diseinatu eta garatzeko ardura izan duten Portugaleko Gobernuko goi kargu ohiak bertaratu dira Bilbon. Datozen asteetan antzeko beste topaketa egingo da Austriako ogasuneko zerga iruzurraren aurkako arduradunekin.

Batzarrean aztertu diren neurrien artean dago saltokietako terminalak edota kutxa erregistratzaileak telematikoki kontrolatzeko sistemaren ezarpenarena. Sistema hauek ezkutuko diru sarrerak ekiditea dute xede eta, honenbestez, BEZ, Sozietateen gaineko Zerga edota PFEZaren zerga-oinarriak murriztea saihestea lortzen da. Funtsezko erreminta da zerga ihesa hauteman eta erabilera bikoitzeko softwarearen erabilera antzemateko. Hain zuzen, Portugal eta Austria dira kontrol sistema hau ezarri duten Europako herrialdeetako bi.

Portugalek partekatu duen esperientzia eta Austriak partekatuko duena baliagarri izango dira oso euskal erakundeek eratu duten lan taldearentzat, automatikoki informazio transmititzen duten sistemen ezarpena aztertzea helburu duena.

Recibe nuestras newsletters en tu email

Apúntate