Aldundiak argiztatu egin du Vasco-Navarroren Bide Berdea eguzki kale-argiekin

Hasi da Arabako Foru Aldundia eguzki kale-argiak jartzen Vasco-Navarro Bide Berdean, Olaranbe parean. Hogeita hamar kale-argi baino gehiago izango dira instalazio fotovoltaiko autonomoak dituztenak eta argindar saretik bakartuta daudenak, eta eguzki energia bidez horrela argiztatuta dagoen Euskadiko tarte luzeena argiztatuko dute.

Bukatzear dagoen obrara egindako bisitan, Ingurumen eta Hirigintza Saileko Josean Galerak balioa eman dio aldundiak energia berriztagarrien alde tinko egin izanari eta gogorarazi du ordezko energietan aldundiak egindako inbertsioa milioi eta erdi euro baino gehiago izan dela.

Kilometro bat baino gehiago duen bide berde tartea argiztatuko du, Gasteizko Zubigarai kaletik Olaranbeko zaldainera. Kale-argi bakoitzak bere eguzki panel fotovoltaikoa du, egunez eguzki energia sortzen duena, bai eta bateria bat ere, zeinek energia hori metatuko duen gauez kale-argia elikatzeko. Eguzki energia % 100 berriztagarriaren bidez, inguru hori Arabako hiriburuarekin lotzen duen eta iaz 82.000 lagunek baino gehiagok erabili zuten bide berdeko tarte horretako argiztapena eta segurtasuna hobetuko ditugu, gogorarazi du.

Bonbillak, halaber, kontsumo urriko led motakoak dira, argia bide tarte horretara egokitzen duena, argi aprobetxamendua ahalik eta onena izan dadin. Izan ere, programatuta daude oinezkorik edo txirrindularirik dabilen antzemateko; antzemanez gero, duten argiaren % 100 emango dute, bestela, % 50 baino ez, argi kutsadura saiheste aldera.

Aldundiaren Ingurumen eta Hirigintza Sailak 76.848 euro inbertitu ditu herritarren egunerokoan mugikortasun jasangarria sustatu nahi duen ekimen horretan. Inbertsio horri Gasteizko Udalaren 7.509 euroren ekarpena gehituko zaio, diru hori baita Vasco-Navarro Bide Berdea eta Arabako hiriburuko Eraztun Berdea lotzen dituen tartean jarriko diren 7 kale-argiek egiten dutena.

• Temas
• Zurekin Araba
• Zurekin Araba destacadas