El Correo

Arabako foru suhiltzaileen 2017rako enplegu publikoaren eskaintza onartu da

  • Lanpostuen zerrendan lanpostu hauek daude aurreikusita: suhiltzaile-gidariaren 45 plaza, taldeburuaren 9 plaza, 3 ikuskatzaileorde, 2 ikuskatzaileburu eta ikuskatzaile 1

Diputatuen Kontseiluak, gaur egindako bilkuran, onartu du deialdia egitea Arabako Foru Suhiltzaileak erakunde autonomoaren 2017rako enplegu publikoaren eskaintza dela-eta. Deialdi hau ez ezik, Arabako Foru Aldundiak duela bi hilabete beste bat ere onartu zuen, eta deialdi horri dagozkion hautaprobak datozen hilabeteetan egingo dira, guztiak batera.

EPE hau berretsi aurretik, ordea, Diputatuen Kontseiluak lanpostuen zerrenda onartu du 2017rako, ezinbesteko baldintza baita hori SISEU guztiak eta suhiltzaileen parke zentrala behar adinako plantillaz hornitzeko, 2018an eskainiko den 24 orduko zerbitzuari aurre egiteari begira.

Lanpostuen zerrendan lanpostu hauek daude aurreikusita: suhiltzaile-gidariaren 45 plaza (suhiltzaile kategoria), taldeburuaren 9 plaza (kaporalaren kategoria), 3 ikuskatzaileorde, 2 ikuskatzaileburu (ofizialorde) eta ikuskatzaile 1.

Deialdi honi gehitu behar zaizkio 2016an onartutakplazak, guztira 94 plaza egiten dutelarik. 2018an, lanpostuen zerrendari beste 24 plaza gehituko zaizkio, 24 orduan jardungo diren azken SISEUak irekitzeari begira. 2018ko EPE horretan bertan, suhiltzaileen eta taldeburuen plaza guztiaksartuko dira.

Recibe nuestras newsletters en tu email

Apúntate