El Correo

Diputatu nagusia Guardian Llodio beiragintza enpresan izan da

  • Ramiro Gonzalezek: «Ekonomia garapenaren etorkizunerako ingurumena babestea beharrezkoa da, ezbairik gabe»

“Ekonomia garatu daiteke ingurumena babestearekin uztartuta. Edozein ekonomia jardueraren etorkizunerako sinbiosi hori beharrezkoa da, zalantzarik gabe”. Halaxe adierazi du Ramiro González diputatu nagusiak gaur goizean Laudioko Guardian lantegira egin duen bisitan, Pilar García de Salazar diputatu nagusiordearekin batera Arabako enpresa sektorearen beharrak eta lehentasunak zein diren jakiteko lurralde osoan hainbat enpresarekin egiten ari den topaketen barruan.

Oraingo honetan, Josean Galera Ingurumen eta Hirigintza diputatua ere izan da bi foru arduradun horiekin, eta Guardian Llodio enpresan egon dira, zeinaren instalazioetan 500 lagun baino gehiagok lan egiten baitu, eta urtean 150.000 tona beira inguru ekoizten baita. Hori dela eta, Arabako konpainia nagusietako bat da. Bisitan, lantegiko zuzendariekin batera eta Javier García kudeatzailea buru, beiragintza enpresak Aiaraldean dituen instalazioen zati bat ikusi dute eta, amaieran, elektroiragazki berria inauguratu dute.

Recibe nuestras newsletters en tu email

Apúntate